Цаг агаарын мэдээнд суурилан зудын байдалд үнэлгээ хийхэд энэ сарын 20-ны байдлаар 6 аймгийн 20 суманд мөсөн (төмөр) зудтай байна. Мөн 16 аймгийн 85 суманд цагаан зудын, 12 аймгийн 41 сум, нийслэлийн 2 дүүрэгт цагаанаар зудархуу байна.
Тодруулбал, Баянхонгорын Хүрээмарал, Гурванбулаг, Галуут, Жаргалант, Бөмбөгөр, Булганы Дашинчилэн, Сэлэнгийн Ерөө (Бугант), Дорноговийн Иххэт, Хэнтийн Өмнөдэлгэр, Сүхбаатарын Асгат, Баруун-Урт, Мөнххаан, Сүхбаатар, Уулбаян, Халзан, Эрдэнэцагаан, Наран, Түвшинширээ, Түмэнцогт, Дарьгангад цасны нягт 0.35-0.74 г/см3 хүрч мөсөн (төмөр) зудтай байгаа юм.
