Гуравдугаар сарын 15-наас эхлэн Улаанбаатар - Хөх хот, Хөх хот - Улаанбаатар чиглэлийн олон улсын зорчигчийн галт тэрэг Даваа, Баасан гараг бүр аялж эхлээд буй. Тус чиглэлд УБТЗ-ын болон Хятадын төмөр замын галт тэрэг ээлжилж аялах аж.
Улаанбаатар-Хөх хот чиглэлд Монголын талаас аялах анхны галт тэрэг энэ сарын 15-наас Улаанбаатар хотоос хөдөлж, Бямба гарагт Хөх хотод очсон бол Хөх хот-Улаанбаатар чиглэлийн Хятадын галт тэрэг мөн өдрийн Баасан гарагт Хөх хотоос хөдөлж өнөөдөр Улаанбаатарт иржээ.
Цаашид УБТЗ-ын галт тэрэг Баасан гараг бүр Улаанбаатараас хөдөлж, Бямба гарагт Хөх хотод очоод Даваа гарагт Хөх хотоос хөдөлж Лхагва гарагт Улаанбаатарт ирнэ. Харин Хятадын галт тэрэг Баасан гараг бүр Хөх хотоос хөдөлж, Ням гарагт Улаанбаатарт ирээд, Даваа гарагт Улаанбаатараас хөдөлж, Мягмар гарагт Хөх хотод очиж байх хуваарьтай.
Улаанбаатар - Хөх хот чиглэлийн олон улсын зорчигчийн галт тэрэгний тасалбарын үнэ нэг талдаа 323 700 төгрөг байхаар тооцжээ.
