Жолооч нарын халаасанд ордог 500 төгрөгийг улсын орлого болгож, нийтийн тээвэрт зарцуулахын тулд зорчигчдын толгойг тоолох төхөөрөмжийг өнөөдрөөс эхлэн нийтийн тээврийн хэрэгслүүдэд суурилуулж эхэлсэн. Уг ажлын дагуу хэчнээн төгрөг төсөвлөсөн, нэг нийтийн тээвэрт суурилуулах төхөөрөмж хэдэн төгрөгийн үнэтэй, нийт хэдэн автобусанд суурилуулах талаар НЗДТГ болон нийтийн тээврийн газраас тодрууллаа.
Нийтийн тээврийн газрын олон нийттэй харилцах хэлтсийн мэргэжилтэн Т.Үүрийнсолонго “Өнөөдрөөс эхлэн эхний ээлжийн автобуснуудад зорчигч тоолох төхөөрөмжийг суурилуулсан. Их хүн зорчдог нийтийн тээврүүдэд уг төхөөрөмжийг суурилуулна.
Ширхэг тус бүрийн өртөг болон тоо хэмжээний талаар одоогоор мэдээлэл өгөх боломжгүй. Төхөөрөмжийг суурилуулснаар жолоочид очдог бэлэн мөнгийг улсын орлого болгох зорилготой” гэв.
2015 онд нийслэлийн нийтийн тээврийн орлого 50 тэрбум төгрөг байсан бол нийтийн тээвэрт орох ёстой орлого жолоочийн халаасанд орж эхэлснээр 2018 онд 42.3, 2019 онд 34.8, 2020 онд 27.4, 2021 онд 26, 2022 онд 33 тэрбум төгрөг болж, 2015 оноос хойш 50 орчим хувиар буурсан үзүүлэлт гарсан байна.
Зорчигчдынхоо толгойг тоолж цуглуулсан мөнгө нь суурилуулсан төхөөрөмжийнхөө өртөгт хүрэх болов уу... Одоогоор нууц байгаа зорчигч тоолох төх