Улсын онцгой комиссоос хаваржилтын нөхцөл байдлын талаар мэдээлэл өглөө.
УОК-ын НБД Т.Баярхүү:
Өнөөдрийн байдлаар 11 аймгийн 50 суманд төмөр зуд, 17 аймгийн 135 суманд цагаан зудын, 17 аймгийн 66 суманд цагаанаар зудархуу байна. Өнөөдрийн байдлаар улсын хэмжээнд 3 сая 89 мянган толгой мал хорогджээ.
11 аймгийн 46 сумын ам бүл цөөтэй, хүн хүч хүрэлцэхгүй, цасанд дарагдсан малчин өрхүүдэд Зэвсэгт хүчний анги байгууллагуудаас алба хаагчдыг томилон ажиллуулж байна. Тухайлбал, Дорнод, Төв, Сүхбаатар аймгийн 15 сум руу 21 техник хэрэгсэл, 214 алба хаагчийг томилон ажиллуулж байгаа бөгөөд 142 айлын гэрийг цаснаас гаргаж, 71 өрхийг нүүлгэн шилжүүлжээ.
15 аймгийн онцгой комиссоос 02-р сарын 19-ний өдрөөс 03-р сарын 04 хүртэл 4097 өрхийг түлээ түлшээр хангаж, 6261 өрхөд эрүүл мэндийн туламж үзүүлж, 1733 өрхөд хоол хүнснйи тусламж хүргэж, 58914 малчин өрхөд өвс, 66911 өрхөд тэжээл хүргэжээ. 03-р сарын 04-өөс эхлэн дахин ажлын хэсгүүд ажиллаж байна.
ХХААХҮ-ийн дэд сайд М.Ганхүлэг:
-10 хоногийн зайтайгаар цасны хэжмээ, хаваржилтын нөхцөл байдлын мэдээллийг гарган ажиллаж байна. 2020 оны байдлаар нийтгазар нутгийн 80,6 хувь нь цасн бүрхүүлтэй, зудын нөхцөлтэй байсан. 2024 оны бадйлаар нийт газар нутгийн 76 хувь нь цасан бүрхүүлтэй болж буурсан байна. 9 отрын бүс нутагт 564 мянган малыг өвөлжүүлж, хаваржуулахаар тооцоолсон. Одоогоор 719 айл өрхийн 637 мянган мал отрын бүс нутагт өвөлжиж байна. Малын зүй бус хорогдол 02-р сарын 15-аас эрчимжсэн. Өнөөдрийн байдлаар 3 сая 80 мянган мал хорогдсон байна. Энэ нь нийт малын 4,9 хувийг эзэлж байна.
Хамгийн их мал хорогдож байгаа аймаг нь Сүхбаатар, Хэнтий, Дорнод, Архангай аймаг бөгөөд одоогоор хонь-5,1 хувь, ямаа-4,6 хувь, үхэр-5,4 хувь, адуу-3,4 хувь, тэмээ-0,3 хувь хорогджээ.
Хөдөө аж ахуйн бирж малчдаас малыг худалдаж авахад зохицуулах үүрэгтэй оролцож байна. Одоогоор малын махны дундаж жин 13кг байна. Газар дээр нь 50-65 мянган төгрөгөөр тооцож авах тооцоолол гаргаад явсан. Харин цөөн тохиолдолд 40-45 мянган төгрөгөөр авсан. Үүн дээр ХХААХҮЯ болон ХААБ зохицуулах байдлаар оролцож байна.
