Израйль-Палестины зөрчлийг арилгах хэлэлцээр эхэллээ

7keksj273tofe5jsj5tcp8f5h.jpg Израйль-Палестины зөрчлийг арилгах хэлэлцээр эхэллээ

Францын нийслэл Парис хотноо Ойрхи-Дорнодын энх тайвны төлөөх олон улсын чуулга уулзалт албан ёсоор эхэлсэн талаар “CNN” агентлаг мэдээллээ.

 

Олон улс Израйль-Палестины зөрчлийг энхийн яриа хэлэлцээгээр шийдвэрлэхийг зорьж, уг уулзалтыг анхлан санаачилжээ. Энэхүү уулзалтад 70 гаруй орны төлөөлөгчид оролцож буй талаар зохион байгуулагчид хэвлэлийн хурлын үеэр мэдээлэв. Уулзалтад Палестины төлөөлөгчид оролцож буй бол Израйлийн талаас төлөөлөгчөө илгээхээ татгалзсан байна. Израйль төлөөлөгчөө Парис хот руу илгээгүйгээ тайлбарлаагүй байгаа юм.

 

НҮБ өнгөрсөн оны аравдугаар сарын 15-нд Израйльчууд, палестинчуудаас хүчээр булаан авсан газар нутагтаа суурьшлын бүс байгуулж байна хэмээн буруутгасан билээ. Харин дээрх мэдэгдлийг Израйлийн тал эрс үгүйсгэсэн юм.

 

Өнгөрсөн онд палестинчууд Израйлийн газар нутагт терророрист халдлага үйлдэх нь ихэссэн бөгөөд үүний хариуд Израйль тус улсад цэргийн ажиллагаагаа явуулж байна.  Израйль-Палестины зөрчлийг энхийн яриа хэлэлцээр сүүлд 2014 оны дөрөвдүгээр сард зохион байгуулагдсан ч хоёр тал хэлэлцээр байгуулахаас татгалзаж байжээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ