Ц.Цогтбаяр өөрийн зурагтай футболкоор гоёв

dgv4d64gvd4g.jpg Ц.Цогтбаяр өөрийн зурагтай футболкоор гоёв

Өнгөрсөн өдрүүдэд болсон чөлөөт бөхийн насанд хүрэгчдийн УАШТ-нээр МУГТ Г.Мандахнаран болон дасгалжуулагч Ц.Цогтбаяр нар “Аварга шиг барилдаж, Монгол шиг тэмц” гэсэн бичигтэй өөрийн зурагтай футболкоор гоёсон байв.

 “Рио”-гийн олимпийн чөлөөт бөхийн эрэгтэйчүүдийн 65 жингийн хүрэл медалийн төлөө Монгол Улсын тамирчин Г.Мандахнаран болон Убекстаны тамирчин Ихтиёр Наврузов нар барилдсан. 

Тэмцээний эхнээс Монгол Улсын бөх оноогоор тэргүүлж  байсан ч түүнийг оноогоо хамгаалахын тулд барилдалгүй зугтсан хэмээн шүүгч үзэж, нэг оноогоор торгосоноос болж тэрбээр медалийн тавцанд гарч чадаагүй юм. Уг шийдвэрийг тамирчны дасгалжуулагчид эсэргүүцэн, дэвжээн дээр хувцсаа тайлсан нь олны анхаарлыг татсан билээ.

 Тэгвэл алдарт “Wrestleology” бэлэн хувцасны брэнд дасгалжуулагчид хувцсаа тайлж буй үеийн агшинг харуулсан зурагтай футболкийг үйлдвэрлэсэн. Өнгөрсөн өдрүүдэд болсон чөлөөт бөхийн насанд хүрэгчдийн УАШТ-нээр МУГТ Г.Мандахнаран болон дасгалжуулагч Ц.Цогтбаяр нар уг футболкоор гоёсон байв.

 Дэлхийн нэгдсэн бөхийн холбооноос дасгалжуулагч Б.Баяраа, Ц.Цогтбаяр нарын эрхийг гурван жилийн хугацаагаар хасах шийдвэр гаргасан.  Дасгалжуулагч Ц.Цогтбаяр тэмцээний дэвжээнд МУГТ Г.Мандахнаранг дасгалжуулахаар гарч ирсэн ч шүүгчийн бүрэлдэхүүн түүнийг дэвжээнээс гарахыг шаардсан юм.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ