Монголын шоронгын загалмайлсан эцэг гэгддэг Дашийн Мундаатай уулзаж ярилцсан хүний тэмдэглэл

sadsaasdasd.jpg Монголын шоронгын загалмайлсан эцэг гэгддэг Дашийн Мундаатай уулзаж ярилцсан хүний тэмдэглэл
Халхын шоронгийн сайд хэмээн хvндлэгдсэн алдарт Дашийн Мундаа агсанг дурсахуй

Огноо: 2016-12-14 

Алдарт Дашийн Мундаа агсантай санамсаргvй танилцаж билээ. Нэгэн єдєр хэсэг нєхєдтэй жаахан наргих хэрэг гарлаа. Урьд нь Дашийн Мундаа гэж нэг бус удаа сонсож байснаас бус барааг нь харж явсангvй.

Биднийг наргиж суутал гурван хvн орж ирлээ. Ширвээ хар сахалтай, цоо ширтэх мэт харцтай, баргил дуу хоолойтой, дунд зэргийн нуруутай, чийрэг биетэй эрийг хараад наргиж байсан хvмvvс бvгд л "Дашийн Мундаа ирлээ" гэж хєл алдан сvйд боллоо.

"Халхын шоронгийн сайд" гэгдэж явсан алдарт Дашийн Мундаа энэ хvн ажээ. Шоронгийнхон гэхээр л харгис ширvvн, хахир эхир харьцаатай, vг яриа ч гэж авах юмгvй танхай этгээдvvд байдаг гэж хvмvvс бодоцгоодог. Би ч тийм бодолтой явдаг хvний нэг байлаа. Гэтэл Дашийн Мундаа тэс єєр хvн ажээ. Юм болгон дээр тvрvvлж дуугараад байхгvй, хvмvvсийн яриаг сонсож байгаад ончтой, цєєн хэдэн vг хэлнэ, амны уншлага болсон "пизда нахуй"-г огт хэлэхгvй, хvн хvнтэй аядуу зєєлєн харьцана. Ёстой л зєєлєн нь хатуугаа иддэг, дийлдэг гэдэг шиг харьцаатай хvн санагдаж билээ. Тэр удаагийн уулзалт дээр би Дашийн Мундаатай гар барин танилцах тєдийгєєр єнгєрєхєд надад нэг иймэрхvv сэтгэгдэл тєрж билээ. Энэ алдарт эрийн шоронгийн хаалга яагаад татсан vvх тvvх сонин хэвлэлд бишгvй нийтлэгдсэн болохор тэр талаар бичих нь илvvц биз ээ. Харин тvvнтэй хэд хэдэн удаа уулзаж явснаа сонирхуулах нь зєв болов уу.

Нийслэлийн Уртцагааны урд нэгэн хэсэг "сайн эрс" цуглаж, єдєржин архиддаг байлаа. Энд голдуу дєч тавин мянгатын атаманууд, шорон оронгоор орж гарч явсан рёцедив гэмт хэрэгтнvvд цуглана. Дашийн Мундаа хааяа vvрээр ирж тэдгээр нєхєдтэй єдрийг єнгєрєєнє. Тэд Дашийн Мундааг хараад "Мундаа ах" гэж сvйд болно, булаалдан архиар дайлна. Мундаа агсан жаал дайлуулж аваад олон таван юм ярилгvй салж одно. Шоронгийнхон єєрийн эрхгvй чоно санаатай болдог гэдэг. Тиймдээ ч нарсанд байхдаа ч, наранд гараад ч єс хонзонтой, дарамталж, дарамтлуулж байсан нэгийгээ янз бvрээр шурган шордох, зодох, бvр амийг нь хєнєєсєн явдал цєєнгvй байдаг. Энэ харьцаагаараа тvрий барьж, шоронд байснаараа айлган сvрдvvлэгчид ч олон байдаг. Тэдгээр рецедив гэмт хэрэгтнvvдийн нэг нь ч Дашийн Мундаа агсантай єс санасан байдалтай харьцаж байгаагvйг бодоход мань эр шоронд жинхэнэ мужик эр байсан бололтой.

Нэгэнтээ Мундаа агсан хорхойд хоргvй, ядарсан дорой хоригдлуудыг дээрэлхэн дарамталдаг нэг муу овгоронцоруудыг vздэггvй, тэднийг жижигрvvлж явсанаа дурсаж билээ. Ийм овгоронцорууд буруугаа ойлгоод, наранд гарсан хойноо ч Мундаа агсанд єс саналгvй, сvйд болж байхыг олонтаа харж билээ. Бид хоёр байнга тааралдаж байсангvй. Мань эр урт цагаан хавьд голдуу бєєн хvмvvсийн дунд намбатай нь аргагvй явж байна. Тэр олон хvний зарим нь єнєєх л шорон оронгоо чанга дуугаар ярин томорно, зарим нь хоорондоо хэрэлдэж зодолдохдоо тулна. Мундаа агсан нэг муухай хараад "Та нар болиоч, аядуухан байгаач" гэж чангахан хэлэхэд байдал намжина. Ийм л их нєлєєтэй хvн байсан юм. Нэгэнтээ гудамд тааралдахад нэг том бизнесмений єр барагдуулах албанд зvтгэж байгаа гэж билээ. Тэр бизнесмен нь олон компаниас авлагатай байсан юм байх. Ийм бизнесменvvд рецедив нєхдєд єндєр шан хєлс єгч, єртэй компаниудыг дарамтлуулан єрєє авч байсан билээ. Бодвол Мундаа агсан ганц нэг нєхдийн хамт ийм албанд хэсэгхэн хугацаагаар зvтгэж байсан бололтой.

Бурхан болохоосоо ємнє Циркг манаачаар ажиллаж байсан юм. Нэгэнтээ очиж уулзахад,
- Ах нь єр мєртэй зууралдахаа больсон. Хvн айлгаж сvрдvvлсэн балай ажил юм билээ. Харин энэ ажил маань надад их тохироод байгаа. Тэгээд ч дvv маань "Цайз" зах дээр боломжийн бизнес эрхэлж байсан болохоор "Та наад єр мєртэй зууралдсан ажлаа боль. Мєнгє хэрэгтэй бол надтай уулзаж бай" гэдэг болсон гэж билээ. Тvvнийг сvvлчийн замд нь vдэх ёслолд маш олон машин тэрэг, нэр нєлєє бvхий хvмvvс оролцсон гэдэг.
Нэгэн удаа нэг найз маань надтай ирэн уулзаад "Хоёулаа Дархан руу явъя. Би тэндээс хvнээс мєнгє авах хэрэг гараад байна. Намайг єнєє маргаашгvй хурдан хvрээд ир гэж байна" гэлээ. Ингээд найзынхаа машинтай Дархан явах болж, хотын гудмаар давхиж явтал Мундаа агсан эхнэртэйгээ алхаж явна.

Тэр vед Мундаа агсан багш мэргэжилтэй, аятайхан хvvхэнтэй ханилж, гурван буудалд амьдарч байсан юм. Би найздаа "Єнєє алдарт Дашийн Мундаа энэ алхаж явна. Би нэг уулзаатхая" гэлээ. Мундаа агсантай уулзан "Завтай бол салхинд гарангаа хамт Дархан яваач" гэхэд эхнэртэйгэ зєвлєлдєж байснаа, эхнэрийнхээ хамт явахаар боллоо. Бид зам зуур идэж ууж, юу эсийг ярих билээ. Хоёр хоног хамт явахад анх уулзаад тєрж байсан сэтгэгдэл маань vнэн зєв болох нь нотлогдсон юм. Бид их ч уусан даа. Ер элдэв муухай ааш авир гаргахыг нь харсангvй. Найз маань 120-130-миллээс буухгvй хурдална. Дархан дєхєєд ирэхэд Мундаа агсан найзад маань "Дvv хvv, яг энэ хавьд хурдаа хасаж, аажуухан яваарай. Машин онхолдож, хvний амь сvйддэг осолтой газар шvv. Би нэг бус удаа энэ хавьд нvд хальтирам осол харсан" гэж анхааруулан хурдыг нь хасуулж билээ.

Мундаа агсаны vг vнэн байлаа. Биднийг хоёр хоногийн дараа хот руу буцаж явахад яг тэр газарт бидний хажуугаар маш хурдтай давхиж єнгєрсєн машин онхолдож, хvний амь сvйдсэн юм. Тэгэхэд Мундаа агсан "Энэ машин ямар их хурдтай явах юм. Єнєєх гайтай газар онхолдох вий дээ" гэж байсансан. Мундаа агсан замд "За хє, хэдvvлээ Дарханд хоноод гадуур дотуур тэнэхгvй байхыг бодно шvv. Дарханы "сайн эрс" намайг ирсэнийг мэдчихвэл хєл дараад хэцvv юм болно" гэхэд найз маань "Та энэ талаар бvv санаа зов. УИХ-д бие даан нэр дэвшиж байсан нєлєє бvхий нэг хvнийд хэдvvлээ хоёр хононо" гэж билээ. Найз маань мєнгєє аваад vнэхээр тэр айлд нь гадагш хамараа цухуйлгалгvй хоёр хоног наргиж билээ.

Хот руу буцах єдрєє найз маань "Хэдvvлээ шинэ Дарханы vйлчилгээний тєвийн нэгэн бааранд жаахан сууя. Би баарны эзэнтэй ярьчихсан байгаа" гэж биднийг урилаа. Бааранд дєрвєн хvнд зориулсан ширээ засжээ. Биднийг идэж уугаад сууж байтал гэнэт хаалга пирхийн онгойж, Дарханы атаманууд бололтой гурав дєрвєн нєхєр орж ирээд "Аан, Дашийн Мундаа гуай бидэнд баригдалгvй бултах гэж байна уу" гэхэд нь найз бид хоёр єєд єєдєєсєє "3а болилоо болилоо" гэсэн айсан харцаар харцгааж билээ. Тэгэхнээ єнєєх "сайн эрс"-ийн харьцаа тэр дороо зєєлєрч,
- Таныг хайж Дарханы хэдэн зочид буудлыг бvгдийг нь нэгжлээ. Ирсэнээ бидэнд дуулгахгvй яасан юм. Манай Дарханд хэд гурав хоног морилон саатна биз дээ. Бид таныг авч явах гэж ирлээ гэхэд Мундаа агсан Дарханд vлдэж болохгvйгээ учирлахад "сайн эрс" тэгвэл таныг энд дайлна гээд бєєн архи гарган ширээн дээр тавилаа. Биднийг ийн идэж уун, ярьж хєєрєн сууж байхад баарны vvдэнд арав гаруй залуус шуугилдаж, байсхийгээд хоёр гурваараа орж ирээд гарч байсан нь алдарт Дашийн Мундааг амьдаар нь харж буй нь тэр ажээ. Дарханы атаманууд биднийг архиар зогсоо зайгvй шахна. Уугаад байсан атлаа найз бид хоёр ч, Мундаа агсан ч нэг йх согтсонгvй, нормалдаж орхисон байлаа.

Замд гарсан хойноо хэн хэн нь "Юмыг яаж мэдэхэв, болгоомжтой байхгvй бол болохгvй" гэсэн сэтгэхvйд захирагдан кардаанаа татсаны улмаас ийнхvv согтохгvй байснаа яриан бєєн инээд болж билээ. Харин Дарханы атаманууд нэлээд согтож, єнєєх л шорон оронгоо яриад эхлэхэд Мундаа агсан "Та нар vгээ бодож яриарай. Надтай хамт хоёр сэтгvvлч явж байгаа шvv. Ярьсан зvйл чинь сонинд гарч магадгvй шvv" гэхэд атаманууд "Сэтгvvлчид юм бол хvний яриа хураадаг аппарат нь хаана байгаа юм" гэхэд Мундаа агсан "Тиим юм хэрэг байхгvй. Эдний тархи толгой чинь кассет гэсэн vг шvv дээ" гэхэд нэг атаман нь "Тэгвэл тэр кассеттай толгойг нь тасдаад хаячихая" гэж хошигноод бєєн инээдэм болж билээ. Халхын шоронгийн алдарт хэмээн хvндлэгдэж явсан алдарт Дашийн Мундаа агсан сэтгэлд маань иймэрхvv дvр зурагтайгаар мєнхрєн vлдсэн юм.

Д.Саран-Очир
Дугаар 7

Далд амьдрал

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ