Нидерландад архинд донтсон эр өөрийн хүсэлтээр хорвоог орхижээ

xdf4gb6df4g6df4g.jpg Нидерландад архинд донтсон эр өөрийн хүсэлтээр хорвоог орхижээ

Нидерланд улсад хүнийг өөрийнх нь хүсэлтээр зовлонгоос салгах буюу үхүүлэх хуулийг 16 жилийн өмнөөс хэрэгжүүлж эхэлжээ.

 

Уг зорилго нь эдгэршгүй өвчтэй хүмүүст туслах зорилготой. Гэвч сүүлийн үед өөр зорилгоор үхэх хүсэлтүүд гардаг болсон байна. Тухайлбал өнгөрсөн долдугаар сард архинд донтсон нэгэн эр ийм замаар зовлонгоосоо салж чадсан тухай саяхан орон нутгийн хэвлэлд мэдээлжээ.

Марк Лангедэйк хэвийн гэр бүлд аз жаргалтай хүүхэд насыг үзэж, эцэг эхийн хайраар дутаагүй нэгэн боловч сүүлийн найман жил архинд гүнзгий донтсон байна. Гэр бүлийнхэн нь янз бүрээр тусалж, 21 удаа эмчилгээнд хамруулсан боловч үр дүн гараагүй гэнэ.

Эцэст нь Марк өөрийгөө үхүүлэх хүсэлт гаргасныг нь Нидерландын Сайн Дурын Үхэлд Дэмжлэг, Туслалцаа үзүүлэх байгууллагаас зөвшөөрчээ. Гэр бүлийнхэн нь түүний саналыг эсэргүүцсэн ч Маркад өөр сонголт байгаагүй гэнэ.

Ингээд долдугаар сарын 14-ний өдөр Маркийн эцэг эхийнх нь гэрт уг ажиллагаа болсон байна. Унтуулах эмчийг ирэхээс өмнө Марк эцэг, эх, ах дүү нартайгаа хооллож, инээж хөхөрч, тамхи татаж байсан гэнэ.

Эмч ирээд Маркийг оронд нь хэвтүүлээд, тайван байхыг сануулж, үйл ажиллагааны дарааллыг танилцуулсны дараа судсанд нь тариа хийжээ. Гурав дахь тариаг хийсний дараа Маркийн арьс өнгөгүй болж амьсгал хураасныг түүний төрсөн ах ярьсан байна.

Өнгөрсөн онд Нидерландад 5,500 гаруй хүн ийм замаар хорвоог орхижээ. Тэдний дотор бэлгийн хүчирхийлэлд өртөж, сэтгэцийн хямралд орсон бүсгүй байсан гэнэ.

Нидерландын эрх баригчид архинд донтох нь хорт хавдрын нэгэн адил эдгэшгүй өвчин тул дээрх үйлдэлд буруу байхгүй хэмээн тайлбарлажээ.

 

Эх сурвалж: Independent

Эх сурвалж:ikon.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ