Хүүдээ байр авч өгөхийн тулд 68-тай хөгшин ногоо зарж байна

xdcb4_xc5f64gb5cf4.jpg Хүүдээ байр авч өгөхийн тулд 68-тай хөгшин ногоо зарж байна

Хятадын Шаньдун мужийн Жинан хотын гудамжинд ногоо зарж буй 68-тай хөгшин олны анхаарлыг татжээ. Тэрээр хүүдээ байр авч өгөхийн тулд шөнө дунд хүртэл ногоо зарж байгаа аж.

Хөгшний хэлснээр хүү нь Шаньдун мужийн Вейхай хотод эхнэр, дөрвөн настай хүүгийн хамт амьдардаг юм байна. Хүүгийнх нь гэр бүл түрээсийн сууцанд амьдардаг бөгөөд хуримаа хийснээс хойш гэртээ телевизор ч авах мөнгөгүй байгаа аж.

Тиймээс эдийн засгийн хувьд хүнд байдалд орсон хүү, бэр хоёртоо туслахаар хөгшин ногоо зарж эхэлжээ. Хүү нь ээжийгээ ийм зүйл хийж байгааг мэдээд болиулахыг оролдсон боловч хөгшин чадлынхаа хэрээр туслахаар ногоо зарсан хэвээр.

Тэрээр эхнэрийнхээ хамт сардаа 4000 юань буюу Монгол төгрөгөөр 1,4 сая орчим төгрөг олдог хэдий ч түрээс болон ойр зуурын хэрэглээндээ зарцуулаад дуусдаг аж. Ээж нь ногоо зарж байгаа явдалд асар их гуниглаж байгаа хүү нь одоо илүү шаргуу ажиллаж, Вейхай хотдоо жижиг байр авахаар төлөвлөж байгаа гэдгээ орон нутгийн хэвлэлд өгсөн ярилцлагадаа дурджээ.

Эх сур:news.gogo.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ