Ш.Түвдэндорж: Шинэ дарга сонгогдсоны дараа З.Энхболд дарга ажлаа хүлээлгэн өгнө

zdgvd68dg74x65cf4gb51v.PNG Ш.Түвдэндорж: Шинэ дарга сонгогдсоны дараа З.Энхболд дарга ажлаа хүлээлгэн өгнө

Ардчилсан намын Үндэсний зөвлөлдөх хорооны 48 дугаар хурал өчигдөр Төрийн ордонд болсон билээ. Уг хурлаас гаргасан шийдвэрийн талаар АН-ын Ерөнхий нарийн бичгийн даргыг үүрэг гүйцэтгэгч Л.Эрхэмбаяр, УИХ-ын гишүүн асан Б.Гарамгайбаатар, Ш.Түвдэндорж нар мэдээлэл хийлээ.

 

Ш.Түвдэндорж “ҮЗХ-ны хурлаар хоёр асуудлыг хэлэлцсэн. Ардчилсан намын 6-р Их хурлыг зохион байгуулах ажлын хэсгийн ахлагчаар УИХ-ын гишүүн Д.Эрдэнэбат, үзэл баримтлал, үндсэн дүрмийн шинэчилсэн найруулгын төслийг боловсруулж Их хуралд өргөн барих ажлын хэсгийг миний бие ахлахаар болсон. Ийм хоёр ажлын хэсгийг байгуулснаар ҮЗХ-ны хурал амжилттай өндөрлөлөө” гэсэн товч мэдээлэл өгөв. 

АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр “АН-ын Их хурлаараа дүрмийн шинэчилсэн найруулгын төслөө батална. Энэ үндсэн дүрмээ баталсны дараа шинэ дүрмийн дагуу намын удирдлага, зохион байгуулалт сонгогдоно. 

Өөрөөр хэлбэл, намын их хурлаар даргыг сонгох ажиллагаа явагдахгүй. Намын даргыг сунгаагаар бүх гишүүдээс сонгох нь зөв гэдэг дээр ҮЗХ-ны гишүүд болон жирийн гишүүд нэгдсэн байр суурьтай байгаа.  

Уг мэдээллийн дараа “Их хурал хүртэл танай намыг хэн удирдах вэ. З.Энхболд дарга Гүйцэтгэх зөвлөлдөө ажлаас чөлөөлөгдөх хүсэлтээ өгсөн гэсэн. Энэ асуудал юу болсон бэ” гэсэн сэтгүүлчийн асуултад “Намын дүрмээр дарга өөрөө өргөдлөө өгдөг. Эсвэл ажил хавсрах боломжгүй тохиолдолд албан тушаалаас огцордог. Хүсэлтээ ҮЗХ-нд гаргадаг. ҮЗХ энэ асуудлыг шийдээд зөвшөөрвөл чөлөөлөгдсөнд тооцно. 

Намын их хурал удахгүй болох гэж байна. Мөн намын даргыг сунгаагаар тодруулах гэж байна. Ийм үед даргыг асуудлыг хэлэлцээгүй. Дүрэм батлагдсаны дараа сонгогдсон даргад одоогийн дарга ажлаа хүлээлгэж өгнө. Өөрөөр хэлбэл, З.Энхболд даргын асуудлыг ҮЗХ-гоор хэлэлцээгүй” гэсэн хариулт өглөө. 
 

Эх сур:ikon.mn

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ