Чех улс Трампын экс эхнэрийг тус улсад суух АНУ-ын элчин сайдаар томилохыг хүслээ

f541gbf41gb5fg4f.jpg Чех улс Трампын экс эхнэрийг тус улсад суух АНУ-ын элчин сайдаар томилохыг хүслээ

Өчигдөр буюу Лхагва гарагт Чех улсын ерөнхийлөгч Милош Земан АНУ-ын ерөнхийлөгчөөр сонгогдоод байгаа Дональд Трампын экс эхнэр Ивана Трампыг тус улсад Америкаас суух элчин сайдаар томилохыг дэмжсэн мэдэгдэл хийжээ.

 

Өнгөрсөн долоо хоногт Чехэд төрсөн Ивана Трамп ийм хүсэлтэй байгаагаа олон нийтэд дэлгэсэн юм. Трампыг ерөнхийлөгч болоход нь дэмжиж байсан Чехийн төрийн тэргүүн “Прагад суулгах элчингийн сонголтод түүнээс илүү тэнцэх хүн Вашингтонд байхгүй” гэж мэдэгдсэн байна.

Тус улсын ерөнхий сайд Богуслав Соботка мөн энэ санааг дэмжиж байгаагаа орон нутгийн радиогоор ярьж “энэ бол АНУ-Чехийн харилцааг бэхжүүлэх боломж” гэжээ.

Чехэд төрсөн Ивана Трамп өнгөрсөн Баасан гарагт New York Post сонинд ярихдаа “би Чехэд суух элчингээр томилж өгөхийг хүсэх болно” гэж байв.

Тэрээр Чехэд төрсөн, төрөлх хэлтэйгээс гадна дэлхий дахинд сайн танигдсан Чех хүн тул давуу талтай гэж ярьсан байна.

Модел байгаад сүүлд бизнесмэн болсон Ивана нь Трампын анхны эхнэр бөгөөд тэд гурван хүүхэдтэй. 1992 онд гэр бүлээ салгаж байжээ.

 

Эх сурвалж: Japan Times

Эх сурвалж:ikon.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ