Прага хотын иргэд коронавирусийг үдэх ёслолд зориулан 515 метр урт хоолны ширээ засжээ

1093.jpg Прага хотын иргэд коронавирусийг үдэх ёслолд зориулан 515 метр урт хоолны ширээ засжээ

Өнгөрсөн Мягмар гарагаас эхлэн Чех улс амны хаалт заавал зүүх шаардлагаа цуцалж, ресторан, баарнуудаа нээжээ.

Коронавирусийн тархалт буурсан тул зүүн хойд Моравиа-Силезээс бусад бүх газар нутагт хорио цээрийн дэглэмийг сулруyлах арга хэмжээ авсан байна.

Эрх чөлөөт амьдралтай золгосон Прага хотын иргэд Мягмар гарагийн орой коронавирусийг үдэх арга хэмжээг 600 жилийн түүхтэй Карлын гүүрэн дээр өвөрмөц аргаар тэмдэглэжээ.

Хотын 2,000 орчим иргэн уг гүүрэн дээр 515 метр урт хоолны ширээ зассан байна. Сүүлийн долоон өдөр дараалан Прага хотод 100,000 оршин суугч тутамд ноогдох халдварын тохиолдол тав дотор байсан нь ингэж тэмдэглэх бас нэг шалтгаан болжээ.

Коронавирусийн цар тахлын үеэр Чех улсад халдварын 11,954 тохиолдол бүртгэгдэж, 349 хүн нас барсан юм.

 

Эх сурвалж: The Guardian

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/3bb933034fe7239599284cfdabae6a59.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29