Япон улсын иргэн нинжа судлалаар дэлхийд анх удаа магистрын диплом авжээ

1077.jpg Япон улсын иргэн нинжа судлалаар дэлхийд анх удаа магистрын диплом авжээ

Өнгөрсөн долоо хоногт Япон улсын Мие их сургууль нинжа судлалын дэлхийн анхны мэргэжилтэнд магистрын диплом олгожээ.

45 настай Геничи Мицухаши нинжагийн түүх, уламжлал, тулааны арга техникийг хоёр жил судалсны эцэст ийм үр дүнд хүрсэн байна.

Тагнуул, аллага, партизаны дайн явуулах нууц эрдэмд мэргэшсэн нинжа дайчид 14 дүгээр зууныг хүртэл феодалын Японд амьдарч байсан гэдэг.

Нинжа нар зөвхөн сайн тулаанчид байгаагүй, бас бусдаас хараат бус нөхцөлд бие дааж амьдардаг хүмүүс байсан тул Мицухаши тэдний өлгий нутаг Игад нүүн ирж суурьшжээ. Ига нь нийслэл Токио хотоос 350 км зайд оршдог уулархаг газар нутаг юм.

“Ига бол нинжа нарын амьдарч байсан нутаг. Энэ нутгийн цаг уур, байгаль нинжаг бий болгосон юм” гэж Мицухаши ярьж байна.

Тэрбээр өөрийн гараар тарьсан будаа, ногоог хүнсэндээ хэрэглэж, жижиг буурчийн газар ажиллуулдаг болжээ

Сонирхсон хүмүүст нинжагийн тулааны урлаг заах өөрийн дэвжээтэй ч болсон байна.

Мие их сургууль Олон Улсын Нинжа Судлалын Төв байгуулсныхаа дараа 2018 онд анхны магистрын хөтөлбөрөө эхлүүлжээ.

Энэ нь нинжа судлалд зориулсан дэлхийн анхны дээд боловсролын хөтөлбөр юм.

Тус сургуулийн профессор Южи Ямада анхны төгсөгч Мицухашиг “амьдралаа нинжад зориулсан хүн” гэж тодорхойлжээ. Одоо Мицухаши докторын зэрэг хамгаалах төлөвлөгөөтэй байгаа гэнэ.

“Бусдаас хамааралгүй бие даан амьдарч, хөгжих чадвар нь орчин үеийн Японд чухал зүйл болоод байна. Хүн бүрийн дотоод ертөнц нь хэзээ ч глобалчлагдахгүй. Глобалчлалын эрин үе өндөрлөж байна” гэж Мицухаши ярьжээ.

 

Эх сурвалж: CNN

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/29eb68a4706d25190141ec9f961b4fa9.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29