Ахуйн хаягдал үнсээр шингээгч үрэл үйлдвэрлэх туршилтыг хийж байна

08.jpeg Ахуйн хаягдал үнсээр шингээгч үрэл үйлдвэрлэх туршилтыг хийж байна

Улаанбаатар.  ШУА-ийн Хими, химийн технологийн хүрээлэнгийн эрдэмтэд үнсийг ашиглан химийн хортой будагч бодис болон хүнд металл агуулсан усыг цэвэршүүлж шүүх үрэлжүүлсэн үнсийг туршилтын журмаар гаргаж, үйлдвэрлэлд нэвтрүүлэх боломжуудыг судалж байгаа юм. 


Энэ судалгааны хүрээнд гэр хорооллын айл өрхийн галлагаанаас гарсан 3 төрлийн /энгийн, төслийн, нам даралтын зуухны/ үнсний дээжид физик, механик үзүүлэлт тодорхойлох сорилт шинжилгээг хийсэн бөгөөд судалгаа шинжилгээ үргэлжилж байна.

Ташрамд сонирхуулахад, Дэлхийн улс орнуудад цахилгаан станцын үнсийг бетон зуурмагийн үйлдвэрлэлд элс, шаврыг орлуулах, бетон хольц дахь ердийн дүүргэгчийн оронд үнсэн үрэл, эрдэс дүүргэгч хэлбэрээр ашиглах, дээврийн хавтан хийх зэргээр барилга, автозамын үйлдвэрлэлд нэвтрүүлж байна. Мөн уул уурхайн салбарт зөөлөн хөрсийг тогтворжуулах, техник, биологийн нөхөн сэргээлт хийх, хөдөө аж ахуйн салбарт хөрсний нэмэлт, бордоо, үхрийн сангийн аж ахуйд тэжээлийн хашаанд хөрсийг тогтворжуулах зэргээр ашигладаг аж.

Манай улс жилд дунджаар 6 сая тн нүүрс хэрэглэж, үүнээс 500-600 мянган тн орчим хаягдал үнс ялгарч, ийм хэмжээгээр агаар, орчныг бохирдуулж байгаа юм.

Олон улсад бетонд хэрэглэх үнс стандартчилагдсан байдаг бол манай орны хувьд “Барилгын материалын үйлдвэрлэлд хэрэглэх дулааны цахилгаан станцын үнс техникийн шаардлага, турших арга  MNS 3927:2016” гэсэн стандартын шаардлага хангасан шүүлтүүрийн үнсийг бетоны зуурмагийн цементийн орцын 20 хувиас ихгүй байхаар тооцон хэрэглэх боломжтой юм байна. 

Эх сурвалж:''montsame.mn''

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/50bc237cea4978fcd1c425ef30f81db9.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29