“Twitter” компанийн захирлуудын зөвлөлийн дарга огцорчээ

00022.jpeg “Twitter” компанийн захирлуудын зөвлөлийн дарга огцорчээ

НЬЮ-ЙОРК. /АР/. Америкийн “Twitter” компанийн захирлуудын зөвлөлийн дарга Омид Кордестани зургадугаар сарын 1-нд албан тушаалаасаа огцорсон бөгөөд түүний оронд “Google” компанийн санхүү хариуцсан захирал асан Патрик Пичетт томилогдоно гэж АНУ-ын үнэт цаасны арилжааны хорооноос (SEC) нийтэлсэн баримт бичигт дурджээ.

“Урт хугацааны тогтвортой өсөлтийг хангахын тулд удирдлагыг бэхжүүлэх, тогтворжуулахад чиглэсэн чухал өөрчлөлт хийж буйг би өөрийн нүдээр харсан бөгөөд даргын үүргийг орхиж чадна гэдэгтээ би итгэлтэй байна. Зөвлөл дэх Патрикийн дуу хоолой үргэлж чухал, хараат бус байсаар ирсэн. Тэр бол захирлуудын зөвлөлийн даргын албанд томилогдоход тохирох хүн" гэж Кордестаний мэдэгдэлд дурдсан байна.

Патрик Пичетт 2018 оны 12 дугаар сарын 31-ний өдрөөс “Twitter” компанийн хараат бус захирлаар ажиллаж эхэлжээ. “CNBC”  сувгаар мэдээлж байгаагаар, тэрбээр 2008-2015 онд “Google” компанийн санхүү хариуцсан захирлын албыг хашиж байсан байна. Кордестани 2015 оны 10 дугаар сараас хойш “Twitter” компанийн захирлуудын зөвлөлийн даргаар ажилласан бөгөөд тэрбээр энэхүү удирдах байгууллагын гишүүн хэвээр үлдэнэ.

Эх сурвалж:''montsame.mn''

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/74d1cf57dcfe930fbf21f4d3b06b0a09.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29