Эрчүүдэд: Төгс хувцасны шүүгээг бүрдүүлэх 10 загвар

665554477.jpg Эрчүүдэд: Төгс хувцасны шүүгээг бүрдүүлэх 10 загвар

Цаг үргэлж хөдөлгөөнтэй байдаг завгүй эрчүүдийн шүүгээнд ямар загварууд төгс тохирох вэ? Галбирт төгс суух хослол, өдөр тутамдаа хэрэглэх, сайн чанарын цүнх, хоолойтой цамц зэрэг цөөн хэдэн загваруудын тусламжтайгаар цэмцгэр төрх бүрдүүлэх боломжтой билээ. Тэгвэл даруу төлөв, цэмцгэр байдлыг эрхэмлэдэг завгүй эрчүүдэд хамгийн тохиромжтой HUGO BOSS брэндийн бүтикээр зочлон ямар ч үед өмсөхөд тохирох сонгодог загваруудаас сонголтоо хийлээ. Buro-гийн бэлдсэн энэхүү жагсаалтын ачаар загварлаг байдлаа хэзээ ч үл алдах төгс хувцасны шүүгээг бүрдүүлээрэй.

Ноолууран хослол

Эрчүүдэд: Төгс хувцасны шүүгээг бүрдүүлэх 10 загвар (фото 1)

Эрчүүдийн шүүгээг сайн чанарын хослолгүйгээр төсөөлшгүй билээ. Биеийн галбирт төгс суух, загвар сайтай хослол олно гэдэг тийм амар биш ч HUGO BOSS брэндийн сонгодог суурьтай загварууд энэ асуудлыг шийдэх болов уу. Брэндийн бэлгэ тэмдэг болсон нарийн эсгүүртэй, нэг эгнээ хоёр товчтой пиджак ба брюк өмдний хослол нь биеийг цэх, цэмцгэр харагдуулах ба ямар ч нөхцөлд тохируулан өмсөж болдог. Тухайлбал ажил хэргийн уулзалтад сорочка ба лофер гутлын хамт, харин чөлөөт үед футболка ба кеттэй хослуулан өмсөхөд л хангалттай.

Арьсан гутал

Эрчүүдэд: Төгс хувцасны шүүгээг бүрдүүлэх 10 загвар (фото 2)

Хүйтний улиралд өмсөхөд тохиромжтой хагас түрийтэй арьсан гутал бол эрэгтэй хүн бүрт зайлшгүй байх ёстой загваруудын нэг юм. Учир нь хэт урт түрийтэй загвар нь болхи харагддаг бол хэт богино түрийтэй загвар нь өвлийн улиралд тийм ч тохиромжтой бус. Тугалын арьсан материалтай энэхүү загвар нь ажил албаны нөхцөлд өмсөж болох цэмцгэр хийцтэй ба резинен ултай учир эдэлгээ сайтай байх болно.

Загварлаг куртка

Эрчүүдэд: Төгс хувцасны шүүгээг бүрдүүлэх 10 загвар (фото 3)

Тэсгим хүйтэн өвлийн улирлыг даван туулахад мэдээж зузаан куртка хэрэг болно. HUGO BOSS ажил хэрэгч, завгүй эрчүүдэд зориулан чанар ба загвараараа ялгарах өвлийн курткаг санал болгодог ба шинэ цуглуулгад багтсан загваруудаас модерн хэв маягтай парка хүрэм бидний анхаарлыг хамгийн ихээр татсан юм. Дулаанаа хадгалах чадвартай, ус нэвтрүүлдэггүй, байгальд ээлтэй материалаар урласан уг куртка нь маш дулаан атлаа хөнгөн тул өдөр тутамд өмсөхөд нэн тохиромжтой байх болно.

Хоолойтой цамц

Эрчүүдэд: Төгс хувцасны шүүгээг бүрдүүлэх 10 загвар (фото 4)

Загварлаг эрчүүдийн шүүгээнд зайлшгүй байх загваруудын нэг бол эргэлзээгүй хоолойтой цамц юм. Учир нь хоолойтой цамц нь хослол, жийнсэн өмд, чино загварын өмд гээд ямар ч хувцастай зохицох атлаа загварчлан өмсөхөд нэг их хичээл зүтгэл шаарддаггүй билээ. Тэгвэл HUGO BOSS брэндийн 2019 оны намар-өвлийн улиралд зориулсан цуглуулгаас биед хамгийн тухтай, дулаахан хоолойтой цамцыг олох боломжтой юм.

Сонгодог загварын гар цүнх ба түрийвч

 

Сонгодог загвартай, сайн чанарын арьсан цүнх ба хэтэвч бол эрчүүдийн хувьд маш зөв хөрөнгө оруулалт юм. Тэр дундаа үргэлж хослол өмсдөг бол ажил хэрэгч, цэмцгэр төдийгүй багтаамж сайтай гар цүнх маш их хэрэг болдог. Тэгвэл HUGO BOSS брэнд цэвэр үхрийн арьсаар урласан гар цүнх болон түүнтэй төгс хослох түрийвчийг санал болгожээ.

Ноолууран ороолт

Эрчүүдэд: Төгс хувцасны шүүгээг бүрдүүлэх 10 загвар (фото 5)

Загварлаг харагдуулахаас гадна дулаан байлгах ноолууран ороолтыг бүү мартаарай. Цацагтай ороолтыг өвлийн улирлаас гадна намар, хаврын улиралд пальтон дээр гогцоо хэлбэрээр загварчлан зүүх нь нарийн мэдрэмжтэй, загварлаг харагддаг байгаа.

Өнгөлөг оймс

Эрчүүдэд: Төгс хувцасны шүүгээг бүрдүүлэх 10 загвар (фото 6)

Орчин үеийн загварлаг залуусын хувьд оймс гэдэг хамгийн чухал аксесуарын нэгд тооцогдох болжээ. Өдөр тутмын хувцаслалтдаа сонирхолтой деталь нэмэхийг хүсвэл аль болох тод өнгөтэй, өвөрмөц график хээтэй оймс сонгоорой.

Эх сурвалж: ''buro247.mn''

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/cc1cd340a96f3e653b61769276864c69.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29