Зургаадугаар сард тусгай нислэгээр ирэх иргэд сонгуульд оролцох боломжгүй

266221144444_(2).jpg Зургаадугаар сард тусгай нислэгээр ирэх иргэд сонгуульд оролцох боломжгүй

Улсын онцгой комиссын шийдвэрийн дагуу ирэх сард нийт найман удаагийн нислэгээр 2000 орчим иргэнээ эх оронд нь авчрахаар болоод буй. Тэгвэл эдгээр иргэд 2020 оны УИХ-ын сонгуулийн санал хураалтад оролцох боломжгүй юм байна.

Тусгай нислэгээр ирэх иргэд 21 хоногийн хугацаанд тусгаарлах байранд, түүний дараа гэрийн нөхцөлд мөн хугацаагаар тусгаарлагдах ёстой. УИХ-ын сонгуулийн санал авах өдөр ирэх сарын 24-ний өдөр болох бөгөөд шинэ коронавирусийн халдвартай холбоотойгоор үндэсний аюулгүй байдал, олон нийтийн эрүүл мэндийг хамгаалах зорилгоор хуульд нийцүүлэн ийнхүү шийдвэрлэж байгаа аж.

Ирэх сард сонгуулийн насны 1000 орчим иргэдийг татан авах тооцоотой байна

Гадаад харилцааны яамны Консулын газрын дарга Л.Мөнхтүшиг энэ талаар “Сонгууль болохтой холбоотой тусгаарлах байранд хүн байлгахгүй, гадаад улсаас иргэдээ татан авах ажиллагааг зогсоох талаар ташаа ойлголт байна. Ийм зүйл байхгүй. УОК-ын Шуурхай штаб Сонгуулийн ерөнхий хороотой харилцан тохиролцож, тусгаарлалтад байх хугацаанд сонгуулийн санал өгөх боломжгүй нөхцөл байдлыг харгалзан үзэж, Цар тахлын тухай нэг удаагийн хуульд заасан үндэслэл буюу үндэсний аюулгүй байдал, олон нийтийн эрүүл мэндийг хамгаалах зорилгоор сонгох эрхийг хязгаарлаж байна” гэсэн юм.

УОК-ын Шуурхай штабын гаргасан тооцоогоор ирэх сард сонгуулийн насны 1000 орчим иргэдийг татан авах тооцоотой байгаа юм байна. Зорчигчдын нэрс эцэслэж гараагүй тул нарийн тоо хараахан гараагүй.

Эх сурвалж:''gogo.mn''

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/183ea9b40ca963f133aa82e7cc441441.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29