С.Гантулгын “Хүчтэний Өлгий” анхны ном хэвлэлтээс гарлаа

ghghdghb.jpg С.Гантулгын “Хүчтэний Өлгий” анхны ном хэвлэлтээс гарлаа

Нар ээсэн билэгтэй энэ сайхан өдөр “Хүчтэний Өлгий” хэмээх нэгэн сонирхолтой ном хэвлэлтээс гарлаа.

Архангай аймгийн, Булган сумын харьяат Спортын дэд мастер, БТСТА, “Суварга Хайрханы Рашаан” ХХК-ийн захирал, Багш, Дасгалжуулагч Содовын Гантулгын залуу зандан наснаасаа өдгөө хүртэл шимтэн бичиж ирсэн шүлгүүдээс бүрдсэн яруу найргийн анхны энэхүү түүвэр номыг ойр дотнын ах, дүү, садан, найз нөхөд, дүү нар нь “Мөнхийн Үсэг” компани дээрээс хамтдаа сэтгэл зүрхээ дэвсэн тосож авлаа.

Будаг нь хатаж амжаагүй тус номын мялаалгын үгийг МЗЭ-ийн шагналт яруу найрагч, Архангай аймгийн Тариатын аархуу Тэрх цагаан овогт Жигмэдийн Батсайхан хэмээх эрхэм хүндтэй нутгийн ах нь өнгөлж, ерөөлтэй цөөнгүй үгийг унагажээ.

Тэрээр “Нутаг усаараа бахархасан бөөн сэтгэл. Өвөг дээдэс, аав ээжээрээ бахархаж бахадсан их сэтгэл, ах эгч амраг хань, андын үнэнч сэтгэл, үр хүүхдийн асрал хайрыг бичжээ. Ийм хүнээс уярам шүлэг гарна гэхэд итгэмээргүй. Гэвч тэр өдөр шөнөгүй шүлэг бичжээ ...” хэмээн бурам амтагтам урамтай сүү өргөжээ.

Ташрамд өгүүлэхэд номын төгсгөл хэсэгт бөх судлаач, сонирхогчдын анхаарлыг татаж мэдэх “Хүчтэний Өлгий”-өөс төрж гарсан үе үеийн улс, аймгийн цолтой олон сайхан сонирхолтой бөхчүүдийн 100 орчим түүхэн зураг багтсан “Фото зураг бол дахин давтагдашгүй агшин түүх болон үлддэг” хэмээх бүлэг цомог багтжээ.

Найрагчийн анхны номыг Г.Дамбий, С.Ганхуяг хянаж, Хэвлэлийн редактороор С.Гансүх, Хавтасны зураачаар зураач, яруу найрагч Г.Мөнхбаатар (Мо...), Т.Мөнх-Амар, Дизайнераар С.Бадамгарав нар ажиллажээ.

Ном дор мөргөмү ...

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/53a5af0132bead68d09b30ddeb48d925.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29