ДЭМБ-ын санхүүжилтийг бүрмөсөн зогсоох тухай Дональд Трампын мэдэгдлийг Европын Холбоо, БНХАУ шүүмжлэв

255847-20052020-1589937016-49671554-20-1.jpg ДЭМБ-ын санхүүжилтийг бүрмөсөн зогсоох тухай Дональд Трампын мэдэгдлийг Европын Холбоо, БНХАУ шүүмжлэв

ОХУ-д “COVID-19”-ийн халдварын тохиолдол 9.2 мянгаар нэмэгдэж, 300 мянга дөхөөд байна. Шинэ төрлийн “коронавирус”-ийн халдвар аваад байсан ОХУ-ын Ерөнхий сайд Mихаил Мишустин ажилдаа эргэн орлоо. Түүнийг эмчилгээ хийлгэсэн гурван долоо хоногийн хугацаанд ОХУ-ын хэмжээнд халдварын тохиолдол гурав дахин нэмэгдээд байгаа юм.

БНСУ-д сургуулиуд таван сарын дараа эргэн хичээллэж эхэллээ. Тус улс “COVID-19”-ийн тархалтын хоёр дахь давлагаанаас сэргийлж чадсан байх магадлалтай гэж үзэж байна.

АНУ-д халдварын тохиолдол 1.6 хувиар буюу сүүлийн долоо хоногийн дундаж дүнгээр өссөн байна. Нью-Йорк хотод эмнэлэгт хэвтэгсдийн тоо нэмэгдсээр байгаа ажээ.

“Дэлхийн Эрүүл Мэндийн Байгууллага ойрын хугацаанд томоохон реформ хийхгүй бол санхүүжилтээ бүрмөсөн зогсоохоос гадна тус байгууллага дахь гишүүнчлэлээ эргэн харах”-аа АНУ-ын Ерөнхийлөгч Дональд Трамп мэдэгдлээ. Дональд Трамп "Дэлхийн Эрүүл Мэндийн Байгууллагад олгох санхүүжилтээ бүрмөсөн зогсооно" гэж анхааруулсныг Европын Холбоо шүүмжилсэн юм. “COVID-19”-ийн эсрэг дэлхий нийтээрээ хамтдаа тэмцэх хэрэгтэй гэж Европын Холбоо уриалж байна. БНХАУ ч мөн дээрхтэй төстэй мэдэгдэл хийлээ.

БНХАУ-ын Гадаад хэргийн яамны Хэвлэлийн төлөөлөгч Жао Лижиан “АНУ-ын Төрийн тэргүүний ил захидлыг харвал "магадгүй", "бололтой" гэсэн үгсийг түлхүү ашигласан байна. Үнэмшилтэй мэт ийм аргаар БНХАУ-ын хязгаарлалтын арга хэмжээ, хүчин чармайлтыг гуйвуулж, өөрсдийн арга хэмжээ нь төдийлөн үр дүнтэй байгаагүйн хариуцлагаас зугтахын тулд олон нийтийг төөрөгдүүлэхийг оролдсон байна. Энэ нь маш утгагүй хэрэг” гэж мэдэгдлээ. АНУ-ын Бүгд Найрамдах нам Дэлхийн Эрүүл Мэндийн Байгууллагын тэргүүн болон БНХАУ-аас АНУ-д суугаа Элчин сайд нарыг сонсголд оролцуулах хүсэлт гаргаад байна. АНУ, Канад улс хилийн хоригоо зургаадугаар сарын 21-нийг дуустал нэг сараас сунгалаа.

Бразилд шинэ төрлийн “коронавирус”-ийн тархалт хамгийн эрчимтэй нэмэгдэж байгаа голомтоор нэрлэгдэж байна. Сүүлийн нэг долоо хоногт дэлхийн хэмжээнд халдварын шинэ тохиолдлуудын 13 хувь нь энэ улсад бүртгэгджээ. Дэлхийн хэмжээнд шинэ төрлийн “коронавирус”-ийн халдварын 4.9 сая (4.982.875), эндсэн 324 мянган тохиолдол бүртгэгдээд байна. Харин 1.9 сая хүн эдгэрчээ.

Н.Номин-Эрдэнэ
Эх сурвалж: Bloombergtv.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/91d51c94c177941b8f84608f90d76d96.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29