Я.Буянжаргал: Цэргийн төв эмнэлэгт маш хүнд дөрвөн хүн байна

f5385c176e92bd5187bed0c1500f644a04f16d83.jpg Я.Буянжаргал: Цэргийн төв эмнэлэгт маш хүнд дөрвөн хүн байна

Эрүүл мэндийн яам/ЭМЯ/-наас шинэ коронавирусийн тархалттай холбоотой асуудлаар ээлжит мэдээллээ хийж байна.

ЭМЯ-НЫ ТАНДАЛТ ШУУРХАЙ УДИРДЛАГЫН ХЭЛТСИЙН ДАРГА Д.НАРАНГЭРЭЛ: 

Дэлхийн 215 гаруй улсад шинэ коронавирусийн халдвар тархаж, 4 сая 885 мянган хүн өвчилж 2.6 сая хүн эмчлэгдэж байна.

ЭМЯ-наас ажиллуулж байгаа тусгай утсанд өнгөрсөн 24 цагийн хугацаанд 259 дуудлага ирснээс БНСУ, Ирланд, Швед АНУ-аас монгол иргэд холбогдож, зөвлөгөө мэдээлэл авсан байна.

ЭМЯ-НЫ ЭМНЭЛГИЙН ТУСЛАМЖ ҮЙЛЧИЛГЭЭНИЙ ГАЗРЫН ДАРГА Я.БУЯНЖАРГАЛ:

Өнөөдрийн байдлаар нийт 1769 иргэн ажиглах байранд байна. Тэднийг Цэргийн төв эмнэлэг, ХӨСҮТ, амралт сувилал, Дархан-Уул, Сэлэнгэ, Орхон, Өмнөговь аймгуудад бэлтгэсэн тусгаарлах байранд байрлуулж байна. Тусгаарлан ажиглалтад байх иргэдэд эх бари, х эмэгтэйчүүд, зүрх судас зэрэг нарийн мэргэжлийн үйлчилгээ үзүүлэх шаардлага гарч байгаа учраас эмч нар халдваргүйжүүлэлтийн дэглэмээ бариад ажиллаж байна.

Өнөөдөр ажиглах байранд нийт 107 хүүхэд байна, 5 хүртэлх насныхан. Жирэмсэн 65, хавдартай 24, бусад нь ходоодны шархтай, уналт таталт өгдөг зэрэг 127 хүн байна гэсэн судалгаа гарсан. Цэргийн төв эмнэлэгт маш хүнд дөрвөн хүн байгаа. Вирусийн шинжилгээ нь сөрөг гарсан. үндсэн өвчнөөрөө эмчлэгдэж байна.

Дели-Улаанбаатар чиглэлийн тусгай үүргийн онгоцоор өнөөдөр  158 иргэн ирсэн. ХӨСҮТ-д  хоёр, Улсын нэгдсэн төв эмнэлэгт таван тохиолдлыг хүлээн авсан. Түргэвчилсэн оношлуураараа шинжилгээ авсан. Дараагийн шатны шинжилгээг үргэлжлүүлэн хийнэ.

ХАЛДВАРТ ӨВЧИН СУДЛАЛЫН ҮНДЭСНИЙ ТӨВИЙН ЗАХИРАЛ Д.НЯМХҮҮ:

2020 оны 5.18-нд нийт дөрвөн лабораторид 367 хүнд давтан шинжилгээ хийсэн, бүгд сөрөг гарсан.

Алтанбулагийн боомтоор орж ирсэн 27 жолоочоос авсан шинжилгээний хариу мөн сөрөг гарсан.

Өнөөдөр хоёр хүн эдгэрч, дараагийн хяналтад шилжиж байна.

Тагнуулын ерөнхий газрын хамт олноос ХӨСҮТ-д оношлуур хандивласан. Вирус илрүүлэх ажиллагаанд чухал хувь нэмэр оруулахаас гадна урам өглөө. Баярлалаа.

 

Эх сурвалж: news.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/91c5530b4ed802b9f414e1fa09399aa5.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29