Намбарын хүү нэр дэвших эрхээ олж авсан уу?

history_1481911716.jpg Намбарын хүү нэр дэвших эрхээ олж авсан уу?

2020 УИХ-ын сонгууль юу юугүй эхлэх гэж буйтай холбогдуулан “Бие даагч”-д болон улс төрийн намаас нэр дэвшихээр горилж буй хүмүүсийн нэрс эцсийн байдлаар маргааш ил болох учиртай.

Харин өнөөдөр сонгуульд оролцох эрхээ олж авсан улс төрийн намууд чухам хаана хэнийгээ сойх талаар эцэслэн хэлэлцэн тогтох юм.

Ийм л улс төрийн ээдрээтэй үйл явдлын дундаас өөрийн сонгох, сонгогдох эрхээ “бараг” алдаад байсан Монгол Улсын гурав дахь Ерөнхийлөгч Намбарын Энхбаяр өчигдөр нэр дэвших эрхээ олж авсан бололтой.

Энэ талаар “Та Бидний Эвсэл”-д нэгдсэн МУНН-ын дарга Б.Батболд өөрийн нүүр хуудсандаа “Та Бидний Эвсэл анхны нүүдлээ эхэллээ...МАХН-ын дарга Н.Энхбаяр 2020 оны сонгуульд нэр дэвшихээр боллоо.

“Та Бидний Эвсэл”-ийн дарга Н.Энхбаярыг авилга албан тушаалын гэмт хэрэгт тулган тасалсаныг Улсын Дээд Шүүх хянаж үзээд хэрэгсэхгүй болгосон. Сонгуулийн хуулинд түүнд зориулж оруулсан авилга албан тушаалын гэмт хэрэгтнийг УИХ д нэр дэвшүүлэхгүй гэх заалт нь Үндсэн Хууль зөрчсөн гэдгийг бүх хүн ойлгож байхад ҮХЦ,Үндсэн Хууль зөрчөөгүй хэмээн шийдвэрлэсэн нь дурын аргаар түүнийг сонгуульд оролцуулахгүй гэсэн МАНАН-гийн айдас дээр үндэслэгдсэн арга мэх байсныг олон түмэндээ илчиллээ. Н.Энхбаяр нь хууль, шүүхийн талаас аль ч утгаараа нэр дэвших эрхтэй Монгол Улсын иргэн юм. Эрх баригчидын бүх булхайг илчлэх үүднээс, хүмүүсд үнэнийг ойлгуулах үүднээс бид тэвчээртэй хандсан. Одоо хүмүүс үнэнийг мэдэх хэрэгтэй гэдэг үүднээс өчигдөрөөс эхлэн түүнийг дэвших эрхтэйг ард олондоо хүргэсэн юм... энэ бол “МАНАН”-гийн хонгилын эсрэг, гаж буруу тогтолцооны эсрэг хийсэн анхны бодит цохилт байлаа. Бид үргэлжлүүлэн төгс ялалтад хүргэх болно.  Та Бидний Эвсэл...

Танд баяр хүргэе” хэмээн өөрийн сэтгэгдлээ олон нийтийн сүлжээнд хуваалцжээ.

Монгол Улсын иргэн хэнбугай ч Үндсэн хуулиар олгогдсон сонгох, сонгогдох эрхтэй байдаг бөгөөд энэ нь гагцхүү шүүхээр “гэмт хэрэгтэн” хэмээн нотлогдсон тохиолдолд  тухайн эрх нь хязгаарлагдах юм.

Авилга, албан тушаалын гэмт хэрэгтэн хэмээх зүйл ангиар буруутгагдаад байсан Н.Энхбаярын хэрэг өмчийн хэрэг дээр ч мөн нотлогдож чадаагүй аж. Тиймээс ийнхүү Үндсэн хуулийн тулгуур зарчмын дагуу сонгуульд оролцох эрхээ олж авсан нь энэ бололтой.

Тэрээр аль тойрогт нэр дэвших нь одоогоор нууц хэвээр байна.

Мэдээ таалагдсан бол лайк дарна уу:

СЭТГЭГДЭЛ (1)

by 2020-05-16

Үнэн бол ард түмэн дэмжих байх шүү. Хатуужилтай эр хүн гэж боддог.

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/59c76b786bb496c54727824527744229.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29