Moody's агентлаг Засгийн газрын зээлжих зэрэглэлийг “сөрөг” болгон буурууллаа

MOODY.jpg Moody's агентлаг Засгийн газрын зээлжих зэрэглэлийг “сөрөг” болгон буурууллаа

Улс орнуудын зээлжих зэрэглэлийг тогтоодог томоохон байгууллага болох Moody"s агентлаг манай Улсын Засгийн газрын зээлжих зэрэглэлийн үнэлгээг энэ сарын 8-нд бууруулснаа албан ёсоор зарлалаа. Тодруулбал, манай улсын зээлжих зэрэглэл тогтвортой гэсэн ангилалд багтаж байсан бол “сөрөг” болгон бууруулжээ.

Монгол улсын экспорт огцом унах эрсдэлтэй, мөн урсгал дансны алдагдал тэлэх төлөв ажиглагдаж байгаа учраас ийнхүү зээлжих зэрэглэлийг буурууллаа хэмээн мэдээлжээ. Тухайлбал, урсгал дансны алдагдал 15-20 хувьд ч хүрч бууруулах эрсдэл бий. Мөн ГВАН буюу Төв банкны гадаад валютын албан нөөц энэ оны эцсээр 3 тэрбум ам.доллар болж буурахаар байгааг онцолжээ.

Түүнчлэн, Ковид-19 халдварын үед эдийн засгаа эрчимжүүлэх арга хэмжээ авсан нь төсвийн алдагдлыг тэлэхэд хүргэж байна хэмээн дүгнэж байна. Оны сүүлчээр төсвийн алдагдал 8,5 хувьд хүрч мэдэхээр байна” гэжээ.

Өнгөрсөн долоо хоногт манай улсыг Европын холбоо хар жагсаалтад оруулснаа зарласан. Мөнгө угаах эрсдэлтэй буюу энэ төрлийн гэмт хэрэгтэй тэмцэж чаддаггүй орны тоонд багтаасан юм. Хар жагсаалтад багтсанаар зээлжих зэрэглэл дагаад буурах эрсдэлтэй гэдгийг онцолж байсан. Өмнө ч манай улс Олон улсын санхүүгийн арга хэмжээ авах байгууллага буюу FATF-ын саарал жагсаалтад багтаад байсан юм. Европын холбооны хар жагсаалтад оруулсан шийдвэр ирэх аравдугаар сард хэрэгжиж эхэлнэ. Түүнээс өмнө ФАТФ-ын саарал жагсаалтаас гарч амжина гэж Монголбанкнаас мэдэгдээд байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/3b952e2afe57c79b9b4b273149e8486c.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29