Өмнөд Солонгост шөнийн цэнгээний газруудыг тодорхойгүй хугацаагаар хаажээ

Шөний_баар.jpg Өмнөд Солонгост шөнийн цэнгээний газруудыг тодорхойгүй хугацаагаар хаажээ

Өмнөд Солонгосын нийслэл Сөүл хотын захиргаанаас бүх баар, цэнгээний газруудыг тодорхойгүй хугацаагаар хаах шийдвэр гарсан байна. ​

Учир нь тус улсад энэ сарын 2-ны өдөр коронавирусийн халдвартай 29 настай залуу эмнэлзүйн шинж тэмдэг илрээгүй байх үедээ Сөүл хотын Итэвон дүүргийн шөнийн клубүүдэд үйлчлүүлсэн нь халдварын шинэ голомт болоод буй юм. 

БНСУ-ын Халдварт өвчин судлалын төвийн мэдээллээр өнөө өглөөний байдлаар тус улсын хэмжээнд коронавирусээр халдварласан тохиолдол 34-өөр нэмэгдэж нийт 10874-д хүрчээ. Шинээр илэрсэн 34 тохиолдлын найм нь хилийн чанадаас зөөвөрлөгдөн ирсэн байна. Харин үлдсэн 26 тохиолдол Итэвон дүүргийн шөнийн цэнгээний газраар үйлчлүүлсэн 29 настай залуугаас халдвар авчээ. 

Нийслэл дэх баар, шөнийн цэнгээний газруудыг тодорхойгүй ...

Тэрбээр дөрвөн цагийн хугацаанд хоёр дэлгүүр таван баар, шөнийн цэнгээний газраас үйлчлүүлсэн тухайн иргэний  зам мөрийг гаргаж, олон нийтэд зарлажээ. Мөн тэдгээр байгууллагуудаар үйлчлүүлсэн хүмүүсийг гэртээ өөрийгөө тусгаарлахыг зөвлөөд буй юм. Түүний үйлчлүүлсэн шөнийн цэнгээний газраар нийт 1500 гаруй хүн үйлчлүүлсэн бөгөөд тэдгээр хүмүүсийн төлбөр тооцоо хийсэн баримтаар хайж илрүүлэх ажиллагааг эрчимтэй өрнүүлж байна.

Түүнчлэн Өмнөд Солонгосын бусад хотуудын баар, цэнгээний газруудыг сайн дурын үндсэн дээр үйл ажиллагаагаа нэг сарын хугацаанд зогсоохыг эрх баригчид зөвлөж буй юм.

Эх сурвалж: Korea News

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/90dc1c34d27a56422c452f8f76647e63.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29