С.К.Шойгу, Монгол Улсын БХ-ын сайд Н.Энхболдыг урьлаа

2018.10.24.02.jpg С.К.Шойгу, Монгол Улсын БХ-ын сайд Н.Энхболдыг урьлаа

ОХУ-ын Батлан хамгаалахын сайд С.К.Шойгу Монгол Улсын Батлан ​​хамгаалахын сайд Н.Энхболдыг Аугаа ялалтын 75 жилийн ойн арга хэмжээнд биечлэн оролцохыг урив. Хоёр орны сайд нар өчигдөр (2020.05.08) цахим хэлэлцээ хийжээ.

«Харамсалтай нь, COVID-19 цар тахлын улмаас бид Москвагийн Улаан талбай дээгүүр явах цэргийн парадыг хойшлуулахаар болсон. Тэгэхдээ энэ жилдээ буюу коронавирусын халдвар тархах аюул арилсны дараа 5-р сарын 9-ний өдөр зохион байгуулахаар төлөвлөөд байсан бүх арга хэмжээнүүдээ явуулна. Та өөрөө Аугаа Ялалтын 75 жилийн ойн баярын арга хэмжээнд биечлэн оролцож, Монгол Улсын цэргийн алба хаагчид Ялалтын парадад жагсана гэдэгт найдаж байна» гэж Сергей Шойгу хэллээ.

БИЧЛЭГ: Н.Энхболд, Сергей Шойгу нар цахим уулзалт хийлээ – Eguur.MN
Тэрээр «Хувьсгалт Монгол» гэсэн бичигтэй Т-34 танк цэргийн парадын механикжсан жагсаалд оролцох болсныг тэмдэглээд, «Гитлерийн Герман Улс итгэлийг эвдэн ЗХУ-руу довтолсны дараа бидэнд тусламжийн гараа сунгасан анхны улс нь БНМАУ байсан билээ. Танай улс бидэнд яаж тусалж байсныг бид тодхон санаж байна. Тухайлбал, фронтын хэрэгцээнд зориулан таван зуун мянган адууг илгээсэн. Монголын ард иргэдийн цуглуулсан хандивын мөнгөөр 53 ширхэг танк үйлдвэрлэсэн бөгөөд «Хувьсгалт Монгол» танкийн бригад нь анх 1943 онд Курскийн ойролцоох тулаанд орж, 1945 онд Берлинд байлдаж байлаа» хэмээн ОХУ-ын Батлан ​​хамгаалахын сайд өгүүлэв.

Министр обороны Н.Энхболд встретился со своим коллегой С.К. Шойгу
Фашистуудыг бут ниргэх үйлсэд «Монгол ард» нисэх онгоцны эскадриль нь онцгой хувь нэмэр оруулсан хэмээн Сергей Шойгу цохон тэмдэглээд, сөнөөгч онгоцнуудыг мөн БНМАУ-аас ЗХУ-д бэлэглэснийг сануулав. Тэрээр «Энэхүү үнэлж баршгүй туслалцааг эргэн сануулахын тулд 2-р сарын 23-ны өдөр Москвагийн ойролцоох «Патриот» цэцэрлэгт хүрээлэнд «Бүхнийг фронтын төлөө, бүхнийг Ялалтын төлөө» үзэсгэлэн зохион байгуулсан» гээд Ялалтын 75 жилийн ойг тохиолдуулан Москвагийн ойролцоох тэрхүү цэцэрлэгт хүрээлэнгийн нутаг дэвсгэр дээр ОХУ-ын Зэвсэгт хүчний Төв хийд, мөн Аугаа их Эх орны дайны 33 сая гаруй оролцогчдын тухай мэдээллийг тэдний гэрэл зургийн хамт хадгалаад зогсохгүй, фашизмын эсрэг хамтдаа тэмцэж байсан Монгол, Оросын ард түмний ой санамжийг мөнхрүүлэх «Дурсамжийн зам» музей нээгдсэн тухай ярив.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/2cfcadcd9f7d775c7e4ba1b61a964fe0.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29