Ким Жон Ун Ялалтын баярын мэнд дэвшүүлэв

ezgif.com-webp-to-jpg-1.jpg Ким Жон Ун Ялалтын баярын мэнд дэвшүүлэв

Хойд Солонгосын удирдагч Ким Жон Ун дэлхийн II дайнд аугаа ялалт байгуулсан баярт өдрийг тохиолдуулан ОХУ-ын Ерөнхийлөгч Владимир Путинд баярын цахилгаан мэндчилгээ илгээжээ. Баярын мэндчилгээнд “75 жилийн өмнө Оросын ард түмэн хүн төрөлхтний хувь заяанд аюул заналхийлсэн фашизмын эсрэг дайнд амь биеэ үл хайхран Аугаа ялалт байгуулж хэнтэй ч зүйрлэшгүй баатарлаг гавьяа байгуулсан" хэмээн онцлон тэмдэглэжээ. Түүнчлэн Ким Жон Ун Оросын ард түмний амжилт, баатарлаг үйлс энх тайван, шударга ёсыг эрхэмлэдэг улс орнуудын иргэдийн дунд үүрд дурсагдах болно хэмээн мэдэгдсэн байна. Эцэст нь тэрбээр хоёр орны уламжлалт, найрсаг харилцааг залгамжлан хөгжүүлж, шинэ зууны сорилтод стратегийн болон найрамдалт хамтын ажиллагаагаа хүчирхэгжүүлнэ гэдэгт итгэлтэй буйгаа дурджээ.

ОХУ-д өнөөдөр Ялалтын баярын 75 жил буюу алмаазан ой тохиож байгаа ч коронавирусийн халдварын эсрэг хөл хорионы улмаас иргэд гэрээсээ баярын арга хэмжээг үзэж байна.

Үүнээс хэдхэн хоногийн өмнө Ким Жон Уныг Солонгосыг чөлөөлөх дайны үеэр амиа алдсан орос цэрэг эрсийн дурсгалыг мөнхжүүлэхэд том хувь нэмэр оруулсныг үнэлж, ОХУ-ын зүгээс Ялалтын 75 жилийн ойн медалиар шагнасан юм. Ойн медалийг Пеньянд суугаа ОХУ-ын Элчин сайдын Александр Мацегор БНАСАУ-ын Гадаад хэргийн сайд Ли Сон Гвонд гардуулж өгөхийн зэрэгцээ талууд хоёр улсын цаашдын харилцаа, хамтын ажиллагааны талаар ярилцжээ.

1945 оны Солонгосыг чөлөөлөх дайнд 4700 орос цэрэг амиа алджээ.

Эх сурвалж: Tass

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/afe94ef5242abed75dd1efb804ffd577.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29