МАН-ынхан үнэнд гүйцэгдэж, малчдыг дахиж хуурах төсөл санаачилжээ

gghhff.JPG МАН-ынхан үнэнд гүйцэгдэж, малчдыг дахиж хуурах төсөл санаачилжээ

Зах зээлийнхээ жам ёсоор зохицуулагдаж байсан ноолуурыг 100 мянгаас дээш үнээр авна гэж МАН малчдыг молигодов. Энэ үгийг Засгийн газрын тэргүүн У.Хүрэлсүх, ХХААХҮ-ийн сайд Ч.Улаан нар ам уралдаж хэлж, малчдыг огшоосон нь саяхан.

Гэвч бодит байдал дээр “бэлэн амтай, шалдан гуятай” Ерөнхий сайдын үг биеллээ олсонгүй. Малчид хаваржингаа ноолуураа дараад ч ноолуур 100 мянгад хүрсэнгүй үлгэр боллоо. Үлгэр гэдгийг ч өнөөх У.Хүрэлсүхийн танхимын “улайдаггүй” сайд Ч.Улаан нь УИХ-ын чуулганы танхимаас мэдэгдсэн.

Ингэхдээ тэрбээр бүр, өөрсдийнх нь тойрогт багтах зүүн гурван аймгийн ноолуур л өндөр үнэ хүрнэ, бусад аймгийнх бараг “хог” гээд шулуухан хэлчхэв. Учир нь зах зээлийнхээ жам ёсоор зохицуулагдах байсан ноолуурын ханшийг хүчээр зохицуулах гэж муйхарласан Ч.Улаан, У.Хүрэлсүх хоёрын булай илэрч, үнэнд гүйцэгдсэн нь энэ. Тэгээд ч зогсохгүй У.Хүрэлсүх, Ч.Улаан нарын хоршил  бүтэлгүйтсэн сургаар өнөөх ноолуурын ханш өсөх бус унах төлөвт шилжжээ.

Харин хаваржин худал амлалтад хуурагдаж, өр зээлд дарлагдсан малчид өнөөдөр ууртай байна. Улмаар “улайдагүй” Ч.Улаан, “Топ” У.Хүрэлсүх нарт хулхитуулснаа нэгэнт мэдсэн учир хараал, зүхлээ урсгаж хадгалсан ноолуураа ченжид хямд өгөөд эхэлжээ.

Тэгвэл МАН-ынхан, тэр дундаа хариуцлагагүй мэдэгдэл хийж малчдыг молигдсон У.Хүрэлсүх, Ч.Улаан нар хариуцлага хүлээхгүй өнгөрөх бололтой. Харин ч байдал нэгэнт ийм дээрээ тулчихсан учраас малчдаас булзах, бултах нарийн арга сүвэгчилсэн байна.

Тэр нь “УИХ-ын даргын захирамжаар байгуулагдсан Ажлын хэсгээс танилцуулж буй тогтоолын төсөл юм. Уг төсөлд: “Малчдын орлого болон үндэсний үйлдвэрүүдийг дэмжих зорилгоор ноолуурын зах зээлийн суурь үнэ дээр тушаасан нэг килограмм ноолуур тутамд 20 мянган төгрөгийн урамшууллыг малчин өрх бүрд олгох” асуудлыг тусгажээ.

Тэгэхээр худал амлалтдаа шатсан МАН, Засгийн газар, ХХААХЯ малчдыг бус сонгуулиа бодож нэгэн мэргэн санаа сэдсэн нь энэ аж. Гэвч тэдний сэдсэн дээрх төсөл нь цар тахлын хүнд үед төсөвт, эдийн засагт хүндрэл учруулна гэж эдийн засагчид онцолж байна. Ийнхүү МАН-ын дарга У.Хүрэлсүх, ХХААХҮ-ийн сайд Ч.Улаан нар үнэнд гүйцэгдэж, малчдыг дахин 20 мянгаар хуурахаар зэхэж эхэлжээ.

А.ТАМИР

ANEWS.MN

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/8e6f7da090025511630395d0360021e7.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29