Цахимаар хуралдах УИХ-ын чуулганы дэгийг хэлэлцэх нь зүйтэй гэж үзлээ

f59044_open-uri20190823-21813-1kc7tcv_x974.jpg Цахимаар хуралдах УИХ-ын чуулганы дэгийг хэлэлцэх нь зүйтэй гэж үзлээ

Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл болон хамт өргөн мэдүүлсэн Хууль тогтоомжийн тухай хуульд өөрчлөлт оруулах тухай хуулийн төслийн хэлэлцэх эсэхийг Төрийн байгуулалтын байнгын хорооны хуралдаанаар хэлэлцлээ. 

Онц байдал, дайны болон дайн бүхий байдал, олон улсын хөл хориот өвчин гарсан онцгой нөхцлөлд УИХ цахим хуралдаан хийж байх, цахим хуралдааныг ямар дэгээр явуулж байхыг энэхүү хуулийн өөрчлөлтөөр зохицуулахаар тусгажээ.  

Төрийн байгуулалтын байнгын хорооны дарга С.Бямбацогт: Хуулийн төсөлд гишүүд ирцээ бүртгүүлснээр чуулганы хуралдаанд хүрэлцэн ирсэнд тооцно гэсэн байна. Цахимаар хуралдаж байгаа нөхцөлд хүрэлцэн ирсэн гэж нэрлэх нь хэр зохимжтой вэ. 
Мөн цахим хуралдаанд Zoom программ ашиглах юм байна. Энэ программыг аюулгүй байдал, хамгаалалтын талаар тодруулахгүй юу.  

УИХ-ын гишүүн Д. Лүндээжанцан: Онцгой нөхцөл байдалд байгаа учраас УИХ цахимаар хуралдаж байна. Олон улсын хөл хориот өвчин гэдгийг ДЭМБ-гаас гаргадаг. Энэ цар тахал дээрх ангилалд орсон байгаа. 

Хүрэлсэн ирсэн гэдэг нэр томъёог Үндсэн хуулийнхаар оруулсан. Үндсэн хуулийн нэр томъёогоор явахаас өөр арга алга. Өөрөө оролцож байгаагаа илэрхийлж байгааг хүрэлцэн ирсэн гэж ойлгоё гэж байгаа юм. Золгүй нөхцөл байдал үүсээд, парламентын гишүүд олноороо хөл хорионд орж, эмнэлэгт эмчлүүлж байгаа тохиолдолд хүрэлсэн ирсэн гэдэг нэр томъёог ашиглахаас өөр аргагүй юм. 

УИХ-ын Тамгын газрын мэдээллийн технологийн хэлтсийн дарга Ж.Элбэгзаяа: Zoom программыг цахим хуралдаанд ашиглана. Бүх шатанд хяналт хийгдэж байгаа. Зөвхөн нээлттэй хэлэлцүүлэгт л ашиглана. Санал хураалтад ашиглахгүй. 

УИХ-ын гишүүн Д.Эрдэнэбат: Энэ асуудлыг чуулганы дэгийн тухай хуулийн нэмэлт өөрчлөлт биш тусгай дэг болгох нь зүйтэй гэдэг саналтай байна. 

УИХ-ын гишүүн М.Энхболд: Дэлхий нийтийг хамарсан цар тахлын үед яаж хуралдах вэ гэдэг дэгээ ярилцаж байна. Гамшгийн тухай хуульд өдөр тутмын, өндөржүүлсэн, бүх нийтийн бэлэн байдал гэдэг гурван зэрэг байгаа. Хэн зарлахыг хуульд заасан байгаа. 
Засгийн газар, УОК-оос гамшгаас хамгаалах өндөржүүлсэн бэлэн байдал зарласан. Халдварт өвчин тархсан үед онлайн байдлаар хуралдах гэж байна. Байнгын, олон талтай ашиглаж болох өөрчлөлтийг оруулах нь зүйтэй байх. 

Таван танхимаас заавал гараар санал өгнө гээд байх юм. Гэтэл өнөөдөр технологийн дэвшил ашиглаад хэдэн ч хүн цахимаар хуралдаж болж байна. Харин хаалттай горимоор хуралдах бол ярилцах нь зүйтэй байх. Цуглаж чадахгүй үед яаж асуудлаа хурдан хугацаанд шийдэж чадах вэ гэдгийг л хамгийн эхэнд ярилцах нь чухал байна. 

Гэтэл чуулган нээлтээ хийчихээд асуудлаа хэлэлцэж чадахгүй, нэг газрын дарга нь орж ирээд гишүүд таван танхимаас гар өргөн санал хураалтад оролцоно гээд сууж байх юм. 

Ийнхүү гишүүд санал хэлж, асуулт хариулт явагдсаны дараа хуулийн төслийг хэлэлцэх эсэхээс санал хураалт явууллаа. Санал хураалтад 12 гишүүн оролцсоноос 10 нь дэмжив. Ийнхүү цахимаар хуралдах чуулганы хуралдааны дэгийг үдээс хойших чуулганы нэгдсэн хуралдаанаар хэлэлцэхээр боллоо.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/ae42f6d3e7859c9840546084124d632d.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29