Сүхбаатарын талбайн урд талын цэцэрлэгийг 3.2 тэрбум төгрөгөөр тохижуулна

504CF5D1-457B-4446-936C-1ABE3859D885.jpeg Сүхбаатарын талбайн урд талын цэцэрлэгийг 3.2 тэрбум төгрөгөөр тохижуулна

Сүхбаатарын талбайн урд хэсэг буюу 1.6 га талбайг хамардаг Хонхтой цэцэрлэгт хүрээлэнд дэлхийн жишигт нийцсэн, орчин үеийн иж бүрэн цэцэрлэгт хүрээлэнг байгуулах ажлыг өнөөдрөөс эхэлж, барилгын хашааг хатгаж эхэллээ. 

Тус цэцэрлэгт хүрээлэнд 85 м урт, 14 метрийн өргөнтэй аялгуут усан оргилуур, 800 кв.метрийн хэмжээтэй дугуйн талбайтай, 35 хүнд нэг дор үйлчлэх боломжтой хоёр ариун цэврийн байгууламж барихаас гадна иргэдийн амарч, зугаалах орчныг бүрдүүлэх тохижилтуудыг хийхээр зураг төсөлд тусгасан.

Сүхбаатарын талбайн урд хэсэг хувийн хэвшилд шилжсэн байсныг эргүүлэн нийтийн эзэмшил болгосон бөгөөд энэ байршилд ямар бүтээн байгуулалт хийх талаар иргэдээс ирсэн саналын дагуу цэцэрлэгт хүрээлэн барихаар шийдвэрлэжээ. 

Зураг төслийг уралдаан зарлаж тодруулсан бөгөөд энэ зун нийслэлчүүдийн амарч зугаалах газар нэгээр нэмэгдэнэ гэдгийг албаныхан мэдээлээд буй.

Дэд бүтцийн ажлыг мэргэжлийн байгууллагуудтай хамтран хийх бөгөөд бүтээн байгуулалтын ажлыг 24 цагаар шахуу хийхээр төлөвлөжээ.

3.2 тэрбум төгрөгөөр цэцэрлэгт хүрээлэнг тохижуулах бөгөөд тендер зарлалгүй Нийслэлийн Хот тохижилтийн газар шууд гэрээ байгуулан ажиллах юм. 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/d4037031330d495974af70f7657dc248.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29