БНСУ-ын багш нар хаврын семестр хичээлэхийг эсэргүүцжээ

526ad0c069beddec4d99f6f5.jpg БНСУ-ын багш нар хаврын семестр хичээлэхийг эсэргүүцжээ

БНСУ-ын цэцэрлэг бага, дунд, ахлах сургуулийн багш нарын 70 гаруй хувь нь хаврын семестрийн хичээл эхлэх гэж буйд санаа зовж байгаагаа илэрхийлжээ. Учир нь тус улсын Боловсролын яам (The Ministry of Education)-наас хаврын семестрийг таван долоо хоногоор хойшлуулж, коронавирусийн дэгдэлтийг намжаахийн тулд энэхүү шийдвэрийг гаргажээ. Гэвч цэцэрлэг сургуулиудын шинэ улирлын хичээл дөрөвдүгээр сарын 6-ны өдрөөс.эхлэхээр болжээ. 

Тэгвэл тус улсын Боловсролын судалгааны төв гуравдугаар сарын 26-ны өдрөөс эхлэн цэцэрлэг, бага дунд сургуулийн 4002 багшид онлайнаар санал асуулга явуулсан байна. Уг санал асуулгад оролцогчдын 73 хувь бага насны хүүхдүүд халдвар авах эрсдэл их тул Боловсролын яам хаврын семестрийг сунгах ёстой гэж хариулжээ. Түүнчлэн 21 хувь нь сургууль цэцэрлэгийн үйл ажиллагааг хуваарийн дагуу буюу дөрөвдүгээр сарын 6-ний өдрөөс нээх ёстой гэж хариулсан бол үлдсэн зургаан хувь нь шийдэж чадахгүй байна гэсэн хариу илгээсэн байна.

Санал асуулгад оролцсон хүмүүсийн дунд Сөүл хот, Кёнги мужийн багш нарын 75 хувь нь, вирусийн дэгдэлтийн гол цэг болох Хойд Кёнсан муж болон Тэгү хотын 71 хувь нь хичээл сургуулийн үйл ажиллагааг хойшлуулахыг уриалжээ. 

Сургуулийн нээлтийг хойшлуулахыг хүссэн хүмүүсийн бараг 60 хувь нь хаврын семестрийг онлайн хичээлээр эхлэх ёстой гэж хариулсан бол 18 хувь нь онлайн болон офлайн хэлбэрээр нэгэн зэрэг ажиллуулах ёстой гэжээ. Боловсролын яамнаас сургуулийн анги танхимд болзошгүй эрсдэл үүсч, халдвар тархах магадлал өндөр гэж үзэн санаа зовж байгаа тул онлайн хичээлүүдийг нээхээр ажиллаж байгаа гэнэ. Ингэснээр оюутнууд сургуульд явахаасаа илүү гэртээ компьютер дээрээ хичээл хийх боломжтой аж. Коллежийн сургалтын чадварын шалгалтыг (CSAT) дахин товлох тухайд 87 хувь нь хичээлийн хуанлийн хугацааг хойшлуулж, 13 хувь нь хойшлуулах ёсгүй гэсэн байна.

Тэгвэл Боловсролын яам сургуулиудыг ирэх долоо хоногт буюу дөрөвдүгээр сарын 6-ны өдөр нээх боломжтой эсэхийг зарлахаар төлөвлөж байгаа аж.

Хэрвээ хаврын семестрийн хичээлийг эхлүүлэх хугацааг сунгахаар бол алсын зайн сургалтаас зохион байгуулах боломжтой гэж Боловсролын яамны ахлах ажилтан Ли Санг Су Баасан гаригт хийсэн онлайн сурталчилгааны үеэр хэлсэн билээ. Боловсролын яам хаврын семестрийн нээлтийн талаар эцэг эхчүүдийн санал хүсэлтийг цуглуулж байгаа гэж мэдэгдсэн бол Дотоод яамнаас орон нутгийн иргэдтэй уулзаж ярилцжээ.

Мөн тус улсад гуравдугаар сарын 23-ны өдрөөс хойш сүүлийн таван хоногийн хугацаанд бага насны хүүхдүүд коронавирусийн халдвар авч, тасралтгүй нэмэгдэж байгаа хэмээн Өвчнийг хянах, урьдчилан сэргийлэх төв (KCDC)-өөс мэдээлэв. Тухайлбал БНСУ-д 18-аас доош насны 604 өсвөр насны хүүхэд халдвар аван эмчлүүлж байгаа аж. Үүнтэй холбогдуулан Боловсролын яамнаас шийдвэр гаргаж, гуравдугаар сарын 23-27 өдрийн хооронд 563 хүүхэдтэй коронавирусийн гэрээ байгуулжээ.

Эх сурвалж: Koreatimes

Э.Мөрөн

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/370d22c30ab048c0e994e9b4cdf3fce7.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29