МҮЭ-ээс түншлэгч талууддаа хандан уриалга гаргалаа

u20.jpg МҮЭ-ээс түншлэгч талууддаа хандан уриалга гаргалаа

Дэлхий нийтийг цочирдуулж буй шинэ COVID 19 вирусийн халдвар тархахаас урьдчилан сэргийлэх чиглэлээр Монгол Улсын Засгийн газраас шаардлагатай бүхий л арга хэмжээг авч хэрэгжүүлж байна. COVID 19 вирусийн өвчлөлт, тархалтын нөхцөл байдал Монгол улсын эдийн засагт сөргөөр нөлөөлж, олон хүндрэлүүдийг бий болгох эрсдэл үүсгэж, улмаар төсвийн орлого тасалдах, макро эдийн засгийн тогтворгүй байдал үүсэхэд хүргэж болзошгүй байна.
Улсын хэмжээнд COVID 19 вирусын уршиг нөлөөгөөр төр, аж ахуй нэгж байгууллагуудад нийгэм эдийн засаг, хөдөлмөрийн харилцаатай холбоотой учирч болох эрсдэлийг бууруулах, эдийн засгийг сэргээх чиглэлээр төр, нийгмийн түншлэгч талууд болон хувийн хэвшил бүхий л аж ахуй нэгж байгууллагууд нэгдэн ажиллах Монгол Улсын Засгийн газрын уриалгыг МҮЭ-ийн Холбоо бүрэн дэмжин ажиллах болно.
Нийгмийн түншлэгч талууд болох Монгол Улсын Засгийн газар, Монголын ажил олгогч эздийн нэгдсэн холбоо болон Монголын худалдаа аж үйлдвэрийн танхим, банк, санхүүгийн байгууллагууд, мэргэжлийн холбоод, бизнес эрхлэгч, ажил олгогч нартаа хандан дараах чиглэлээр хамтарч ажиллахыг уриалж байна. Үүнд:
1. Хувийн хэвшлийн аж ахуй нэгж байгууллагууд хуулийн хүрээнд бие биенээ дэмжин бүхий л талаар хамтран ажиллах, хөдөлмөр эрхэлж байгаа иргэдийнхээ цалин хөлс олговрыг тасалдуулахгүй, тэдний амьжиргаанд дэмжлэг болохуйц шийдвэрүүдийг цаг алдалгүй гаргаж хөдөлмөрийн тухай хууль болон хөдөлмөрийн харилцаатай холбогдсон бусад хууль эрх зүйн актуудыг зөрчихгүй байх;
2. Эдийн засгийн хүндэрлийг даван туулах үйл ажиллагааны төлөвлөгөөг боловруулан хэрэгжүүлэх, төсвийн үр ашиггүй зардлуудыг бууруулах бодит арга хэмжээ авах, аж ахуй нэгж байгууллагуудыг татварын бодлогоор дэмжих, иргэдийн зээлийн хүү, нийгмийн даатгалын шимтгэл болон зээлийн төлөлтийг түр хугацаагаар хойшлуулах, хөнгөлөх зэрэг нийгэм эдийн засаг болонзах зээлд үр ашигтай арга хэмжээнүүдийг авч хэрэгжүүлэн ажиллах;
3. Улсын хэмжээнд болон Аж ахуй нэгж байгууллагын түвшинд эрсдэлийн сан байгуулах
4. Аж ахуй нэгж байгууллагууд хорио цээрийн энэ үед ажилчдынхаа эрүүл мэнд, нийгмийн асуудлаар илүүтэй анхааран ажиллах горимыг уян хатан тогтоож, хариуцлага, дэг журам сахиулах;
5. Томуу, томуу төст өвчлөлийн тархалт болон COVID 19 вирусийн халдвараас хүн амыг урьдчилан сэргийлэх, хамгаалах зорилгоор холбогдох газруудаас гарсан шийдвэрийг үндэслэн 0-12 насны хүүхэдтэй ажилтан, албан хаагчдыг хорио цээрийн дэглэм дуустал богиносгосон цагаар ажиллуулах зэрэг арга хэмжээнүүдийг шуурхай авч ажиллахыг уриалж байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/951145aff124dc843ee4480d1a9475dc.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29