Тусгаарлах байруудыг шалгалаа

89659009_1313313072392204_8278411727733784576_n.jpg Тусгаарлах байруудыг шалгалаа

Улсын онцгой комиссын Шуурхай штабын өнөөдрийн хурлын үеэр мэргэжлийн хяналтын байгууллагаас хийж хэрэгжүүлсэн ажлаа танилцууллаа.

Мэргэжлийн хяналтын ерөнхий газрын дэд дарга Г.Сугарбат "Мэргэжлийн хяналтын байгууллагаас Эрүүл мэндийн яамтай хамтран өнөөдрийн байдлаар 7,242 ор бүхий 106 объектод зөвлөн туслах үйлчилгээг үзүүлж, тавигдах шаардлагыг хангуулан ажиллаж байна. Эдгээрт 1,804 хүн ажиглалтад байгаа.

Мөн тусгай үүргийн онгоцоор ирж, Улаанбаатарт тусгаарлагдсан иргэдийн байрлаж буй байруудад гуравдугаар сарын 22-23-нд мэргэжлийн хяналт болон ЭМЯ хамтран зөвлөн туслах үйлчилгээг үзүүлсэн. Энэ үеэр хоол бэлтгэгч нар амны хаалт хэрэглээгүй, өдөр тутмын үйл ажиллагааг зохион байгуулах менежер байгаагүй зэрэг 11 зөрчил дутагдлыг илрүүлсэн. Зөрчлийг арилгуулах албан бичгийг өнөөдөр хүргүүлнэ" гэлээ.

Түүнчлэн тэрбээр цар тахлын үед нийгмийн хариуцлагаа ухамсарлан өөрийн объектыг тусгаарлах байр болгон ашиглуулж буй аж ахуйн нэгжүүдэд талархлаа илэрхийлэв.

"Гашуунсухайт боомтод ариутгал халдваргүйтгэл хийх нэгжийг шинээр зохион байгууллаа"

Гуравдугаар сарын 22-24-нд Алтанбулаг, Замын-Үүд, Цагаан нуур, Боршоо, Эрээнцавын авто замын боомтоор хилийн мэргэжлийн хяналт шалгалтын дор 8,401 тонн нүүрс тээвэрлэгдэн гарчээ. Харин 3,319 тонн бараа бүтээгдэхүүн нэвтэрснээс 1,091 тонн хүнсний бүтээгдэхүүн орж ирсэн байна. Эдгээрийг тээвэрлэн орж ирсэн нийт 563 жолоочийг улсын хил нэвтрүүлж, эрүүл мэндийн тандалт судалгааг хийгээд байгааг мэргэжлийн хяналтын байгууллагаас мэдээллээ.

Мэргэжлийн хяналтын ерөнхий газрын дэд дарга Г.Сугарбат "Цар тахлын дэглэмийн үед эрүүл мэндийн байгууллага, тусгаарлах байр нь эрчим хүч, ус дулаанаар найдвартай хангагдах учиртай. Тиймээс 21 аймгийг эрчим хүчээр хангагч 25 ААН, ус халаалтын 1,500 гаруй аж ахуйн нэгжид холбогдох зөвлөмжийг хүргүүллээ" гэв.

Түүнчлэн тэрбээр "Уул уурхайн бүтээгдэхүүнийг хилээр гаргах асуудалд онцгой анхаарч байгаа. Шадар сайдаар ахлуулсан ажлын хэсэгт хэд хоногийн өмнө Гашуунсухайт боомтод ажилласан. Хэдийгээр уг боомтоор нүүрс тээвэрлэн гаргахаар 17 аж ахуйн нэгжийн 166 машин бэлэн байдлаа хангасан гэсэн боловч бодит байдал дээр гурван аж ахуйн нэгжийн 70 авто машин тээвэрлэлт хийх боломжтой байсан. Тиймээс ариутгал халдваргүйтгэлийн нэгжийг шинээр зохион байгуулсан" гэлээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/7fa1d47acaf7252376488d3ae3e50629.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29