СЭРЭМЖЛҮҮЛЭГ: Өвөрхангай аймагт хүчтэй шороон шуурга шуурч үзэгдэх орчин хязгаарлагджээ

6910d8_90431608_1656423524498397_2551600187487289344_n_x974.jpg СЭРЭМЖЛҮҮЛЭГ: Өвөрхангай аймагт хүчтэй шороон шуурга шуурч үзэгдэх орчин хязгаарлагджээ

Өнөөдөр буюу гуравдугаар сарын 24-ний өдрийн 13:00 цагийн байдлаар Өвөрхангай аймагт хүчтэй шороон шуургатай замын хөдөлгөөнд оролцоход үзэгдэлт хангалтгүй хүндрэлтэй байгаа бол Баян-Өлгий аймагт цас ихээр орж зорчих хэсэг гулгаатай байна гэж Тээврийн цагдаагийн албанаас мэдээллээ.

Иймд хөдөлгөөнд оролцогчдыг өөрийн болон бусдын аюулгүй байдлыг хангаж, анхаарал болгоомжтой зорчихыг анхааруулав.

Гэрэл зургийн эх сурвалж: Тээврийн цагдаагийн алба

Цаг уурын байгууллагын өгсөн мэдээллээр өнөөдөр буюу энэ сарын 24-нд Хөвсгөлийн зүүн хэсэг, Завханы нутаг, Булганы хойд хэсгээр, 25-нд баруун, төв, зүүн аймгуудын нутгийн зарим газраар, 26-нд зүүн аймгуудын нутгийн зарим газраар хур тунадас орж, салхи секундэд 18-20 метр хүрч ширүүснэ гэжээ.

Иймд зам даваа гүвээ хаагдаж, халтиргаа гулгаа үүсэж болзошгүйг Онцгой байдлын ерөнхий газраас сэрэмжлүүлээд буй.

Ингэхдээ:

  • Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах, 
  • Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих,
  •  Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг анхааруулжээ.
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/8e13be11f6eb9fb8298f1c6d679b9fc5.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29