ОБЕГ-ын шинжээчид Буянт-Ухаа нисэх буудлын эрсдэлийн зэргийг тогтоож байна

ОБЕГ-ын шинжээчид Буянт-Ухаа нисэх буудлын эрсдэлийн зэргийг тогтоож байна

Коронавирусийн халдвар БНСУ-д хурдтай тархаж байна. Өнөөдөр өглөөний байдлаар 154 хүн коронавирусийн халдвар авсан нь тогтоогдоод байсан бол 16.00 цагийн байдлаар 50-аар нэмэгдэж, 204 хүн халдвар авсан нь тогтоогдсон юм. 

Ийнхүү хурдтай тархаж байгаа нь эрсдэлтэй орны тоонд ороод буй монголчуудад айдас дагуулж байна. Учир нь тус улсад ажиллаж, амьдарч буй Монгол Улсын иргэдийн тоо өнгөрсөн оны арванхоёрдугаар сарын 30-ны байдлаар 48 мянга 185 гэж бүртгэгдсэн байдаг.

Улмаар нөгөөдөр буюу 2020 оны хоёрдугаар сарын 23-ны Ням гаригт БНСУ-аас 100 Монгол иргэн эх орондоо ирэхээр МИАТ-ээс онгоцны тасалбар авчээ.

Гэвч тус иргэдийг тусгаарлахгүй гэх мэдээлэлд иргэд ихээхэн эгдүүцэж, тусгаарлахыг шаардаж буй. Харин энэ талаар албаны эх сурвалжууд "БНСУ-ын нөхцөл байдал хүндэрвэл тусгаарлахаас авахуулаад шат дараатай арга хэмжээнүүд авагдана" гэсэн юм. 

Мөн өнөөдөр 21.00 цагийн үед ОБЕГ-ын шинжээчид Буянт-Ухаа нисэх буудлын эрсдэлийн зэрэглэлийг тогтоож ажиллажээ. 

Сануулахад, Өмнөд Солонгосын халдварын гол голомт болж байгаа Тэгү хотод Монгол оюутнууд олноор сурдаг аж. Мөн өчигдөр /2020.02.20/ оройн Бусан-Улаанбаатарын онгоцоор ирсэн зургаан оюутныг ХӨСҮТ-д ажиглалтад оруулаад байгаа юм. 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/a0deedb5e02788f1d91f9fdfbd018558.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29