Л.Оюун-Эрдэнэ: Засаг дарга өрөөндөө согтууруулах ундаа оруулсан нь тогтоогдсон тул чөлөөлж байна

0F361C6D-8021-41FE-BB95-DAB244C1F0DF.jpeg Л.Оюун-Эрдэнэ: Засаг дарга өрөөндөө согтууруулах ундаа оруулсан нь тогтоогдсон тул чөлөөлж байна

Говь-Алтай аймгийн Гэр бүл, хүүхэд залуучуудын хөгжлийн газрын даргаар ажиллаж байсан С.Болормаа 2020 оны хоёрдугаар сарын 18-19-нд шилжих шөнө амиа алдсан харамсалтай хэрэг гарсан.

Тухайн өдөр аймгийн Засаг дарга болон удирдлагууд бүсгүйг дуудаж, өрөөндөө архи авчруулж уусан байж болзошгүй нөхцөл байдал тогтоогдон, цагдаагийн байгууллагаас шалгаж байгаа гэсэн юм. 

Энэ асуудалтай холбогдуулан Говь-Алтай аймгийн Засаг дарга В.Рэнцэндоржийг үүрэгт ажлаас нь чөлөөллөө. Энэ талаар ЗГХЭГ-ын дарга Л.Оюун-Эрдэнэ мэдээлэл өглөө. 

Тэрбээр "Говь-Алтай аймгийн Засаг даргыг чөлөөлөх захирамжид Ерөнхий сайд гарын үсэг зурлаа. Ерөнхий сайд өчигдөр ЦЕГ-ын даргад үүрэг өгч, зохих мэдээллүүдийг авсан. Улмаар Говь-Алтай аймгийн Засаг дарга нь ажлын байранд архи согтууруулах ундаа оруулж болохгүй гэх тогтоолыг зөрчсөн тул энэ үндэслэлээр хариуцлага хүлээлгэж байна. Өөртэй нь холбогдоход энэ асуудлаа хүлээн зөвшөөрсөн. Тиймээс захирамж гаргаж байна. Дараагийн Засаг даргыг томилох хүртэл орлогч нь үүргийг түр орлон гүйцэтгэнэ. Бусад асуудлыг нь цагдаагийн байгууллага мөрдөн байцаах ажиллагаа явуулж байна. Багадаа хоёр долоо хоногийн хугацаа хэрэгтэй гэж цагдаагийн дарга мэдээлсэн. Бид ямартай ч сахилгын шийтгэл ногдуулж, Засаг даргын үүрэгт ажлаас нь чөлөөллөө. " гэв. 

Ингээд сэтгүүлчдийн сонирхсон асуултад хариуллаа. 

-Архидан согтуурсан нь хүн амины хэрэгтэй яаж холбогдож байгаа юм бэ? 

-Үүнийг цагдаагийн байгууллага шалгаж тогтооно. Ямартай ч Засаг даргын өрөөнд архи согтууруулах ундаа оруулсан нь тогтоогдсон. Өөртэй нь холбогдоход архи согтууруулах ундаа оруулсанаа хүлээн зөвшөөрч, ёсзүйн хариуцлагаа хүлээхэд бэлэн байна гээд өргөдлөө өгсөн. 

-Говь-Алтай аймгийн Засаг даргыг тэнсэн харгалзах ялаар шийтгүүлж байсан гэх мэдээлэл гараад байна? 

-Тэр талаар сайн мэдэхгүй. Юутай ч ИТХ-аар томилогдсон хүн. 

-Хүн амиа алдсан хэрэгт сэжигтнээр татагдсан уу?

-Тэрийг би мэдэхгүй. Цагдаагийн байгууллага шалгаж байгаа. ЦЕГ-ын дарга хоёр мэдээлэл өгсөн. Нэг нь, журам зөрчсөн. Энэ баримтаар нотлогдсон гэдгийг хэлсэн. Хоёр дахь нь, хүн амины хэрэгтэй холбоотой асуудалд багадаа хоёр долоо хоногийн хугацаа орно гэсэн. Мөрдөн байцаалтын явцын талаар цагдаагийн байгууллага өөрсдөө мэдээлэл өгөх байх. 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/1c9f74ed3e3a60519e0a001a37784bb9.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29