Д.Цогтбаатар: Элчин сайдаар томилоход англи хэлтэй юу үгүй юу гэдэг нь миний хувьд чухал биш

250144-24012020-1579839017-282780767-tsogtbaatar_tsengel.jpg Д.Цогтбаатар: Элчин сайдаар томилоход англи хэлтэй юу үгүй юу гэдэг нь миний хувьд чухал биш

Өнгөрсөн лхагва гарагт Засгийн газрын хуралдаанаар Гадаад харилцааны сайдын саналаар 11 Элчин сайдын танилцуулгыг сонсож дэмжсэн.

Тэдгээрийн дунд Байгаль орчин, аялал жуулчлалын Төрийн нарийн бичгийн даргаар ажиллаж байсан Ц.Цэнгэлийн нэр буй.

Түүнийг Болгар Улсад суух Элчин сайдаар томилох асуудлыг хэлэлцэж буйтай холбогдуулан олон улсын хуралд англиар мэдээлэл өгч буй бичлэг цахим орчинд цацагдаж багагүй шүүмжлэл дагуулаад байна.

Түүний хэлний мэдлэг Элчин сайдаар ажиллах хэмжээнд хүрч байгаа эсэх талаар Гадаад харилцаааны сайд Д.Цогтбаатар “Элчин сайд гэдэг бол дипломат төлөөлөгчийн газрыг удирдах хүн. Олон тохиолдолд төрд өндөр алба хашиж байсан, төрийн бодлогыг хэрэгжүүлж байсан хүнийг томилох тохиолдол бий. Болгар Улсад суух Элчин сайдын хувьд болгар хэлтэй хүн байвал бидэнд сайн байна. Гэтэл манайд Элчин сайдын түвшинд бэлтгэгдсэн болгар хэлтэй хүн байхгүй байна. Болгар хэлтэй л биш бол НҮБ-ын үндсэн таван хэл буюу англи, орос, испани, франц гээд бүгд л гадаад хэл байхгүй юу. Ц.Цэнгэл бол ОХУ-д сургууль төгссөн, оросоор ярьдаг. Мөн тэнд нь мэргэжлийн орчуулга хийх, хэрэгтэй үед нь уулзалт зохион байгуулаад өгөх баг ажиллаж байгаа шүү дээ. Болгарт өмнө нь томилогдож байсан Элчин сайд нар бүгд англи хэлтэй байсан уу гээд судлаад үзээрэй. Төрийн бодлогыг таниулах, явуулах мэдлэгтэй, чадвартай, туршлагатай хүнээ томилоод явуулж байсан тохиолдол олон бий. Харин өндөр албан тушаалын хүн томилж явуулна гэдэг тухайн оронд үзүүлж байгаа хүндэтгэл. Ц.Цэнгэл гэдэг хүнийг хүмүүс янз бүрээр ярьж байна. Элчин сайдаар томилоход англи хэлтэй юу үгүй юу гэдэг нь миний хувьд чухал биш. Төрийн бодлогыг явуулж байсан, төрийн албыг хийх гэж байна. Энд өндөр албан тушаал хашуулж байсан, тэнд ч болно шүү дээ. Их Британи болон АНУ зэрэг улсад бол хэлний мэдлэгийг харж үзнэ шүү дээ” гэлээ.

Гадаад харилцааны сайдын санал болгосон Ц.Цэнгэл танилцуулгадаа орос, англи хэлтэй хэмээн бичжээ. Энэ удаа санал болгоод буй 11 хүний 9 нь насаараа Гадаад харилцааны яаманд ажилласан, шалгуур хангасан хүмүүс байгаа гэдгийг тэрбээр онцолсон юм. 

Бид Засгийн газрааас Элчин сайдаар томилохыг дэмжээд буй 11 хүний танилцуулгыг өчигдөр хүргэснийг Та ЭНД дарж унших боломжтой.

Эх сурвалж: gogo.mn

Мэдээ таалагдсан бол лайк дарна уу:

СЭТГЭГДЭЛ (4)

by 2020-01-24

Bengal gedeg hund tur yamar urtei yum be

by 2020-01-24

Tsogtbaatar saidin huvid chuhal bish baij blno Harin uls orni huvid chuhal bailgui yahav de Mordohin hazgai gej tomilogdoj ochihoosoo umni delhiigeer neg shivshig bollo shde Orchin tsagt uls ornoo tuluulun suuh elchin saidin huvid angli helni medleg shalguur uzuulelt tudiigui hamgiin engiin naad zahin shaardlaga bolood bn shde Uuniig haa haanaa uhaarahgui bn gej uu de

by 2020-01-24

Таний хувьд юу чухалаар элчин сайдийг томилдог болцон юм уу?

by 2020-01-24

Таны хувьд юу чухалаар элчин сайдыг томилдог болцон юм уу ???

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/b5ee497d0aba068bc926c6ee12f5c6c5.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29