Ерөнхий сайд асан Ч.Сайханбилэгийг Amsterdam & Partners LLP хуулийн фирм өмгөөлөхөөр болжээ

2nchotn2fbgpl3b1co56sts39p.jpg Ерөнхий сайд асан Ч.Сайханбилэгийг Amsterdam & Partners LLP хуулийн фирм өмгөөлөхөөр болжээ

Олон улсад нэр хүндтэй хуулийн фирм Amsterdam & Partners LLP-ийг Монгол Улсын ерөнхий сайд асан Ч.Сайханбилэг өмгөөлүүлэхээр хөлсөлсөн тухай тус компанийн вэбсайтад мэдээлжээ.

Ч.Сайханбилэг нь 2014-2016 онд Монгол Улсын ерөнхий сайдаар ажиллахдаа Рио Тинто компанитай Оюу Толгойн хөрөнгө оруулалтын гэрээг байгуулж байв. Түүнийг энэ гэрээг байгуулахдаа хууль зөрчсөн гэж үзээд Монголын прокурор дөрвөн төрлийн хэрэг тулгаад байгаа юм.

Ерөнхий сайд асан өөрт нь тулгасан хэргүүдийг улс төрийн зорилготой явуулга гэж үзэж байгаа.

“Шүүхийн хараат бус байдал, хуульт ёсонд Монгол улсын одоогийн засгийн газар халдаж байна. Ерөнхий сайд асан Сайханбилэг энэхүү уул уурхайн гэрээг байгуулахдаа ил тод, парламентаас олгосон эрхийн дагуу ажилласан гэж бид үзэж байна” гэж Amsterdam & Partners LLP фирмийн үүсгэн байгуулагч Роберт Амстердам мэдэгджээ.

Ч.Сайханбилэгийг Монголд хууль бусаар баривчлагдаж, саатуулагдсаныхаа дараа АНУ-д амьдарч байгааг тус сайтад мэдээлсэн байна. Мөн Монгол Улсын ерөнхийлөгч Х.Баттулыг 2017 онд сонгогдсоноос хойш Ардчилсан Намын хэд хэдэн улс төрчөөс гадна шүүхийн хараат бус байдал, хэвлэлийн эрх чөлөө улс төрийн дарамт шахалтад өртөх болсныг мэдээлжээ.

Amsterdam and Partners LLP фирмээс гаргасан мэдэгдэлтэй энэ холбоосоор танилцана уу.

 

Эх сурвалж: amsterdamandpartners.com

Мэдээ таалагдсан бол лайк дарна уу:

СЭТГЭГДЭЛ (1)

by 2020-01-23

Их идсэн боно тэнд нь устаг

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/0cb1d54db99a55899709cfe17ec54dcd.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29