Н.Жаргалцэцэг: НӨАТ-ын буцаалт олгоно

15738770365dcf752c69983.jpg Н.Жаргалцэцэг: НӨАТ-ын буцаалт олгоно

Оны эхний улиралд багтаан өнгөрсөн жилийн цахим төлбөрийн баримтын буцаан олголтыг өгдөг. Харин энэ жилээс нэгдүгээр сарын 1-нээс хэрэгжиж эхэлсэн Татварын багц хууль, тэр дундаа Нэмэгдсэн өртгийн албан татварын тухай хуулийн шинэчлэлтэй холбоотойгоор НӨАТ-ын буцаан олголтыг улирал тутам олгохоор болсон. Энэ талаар ТЕГ-ын Татвар төлөгчтэй харилцах газрын татварын улсын байцаагч Н.Жаргалцэцэгээс тодрууллаа.

-Иргэдийн 2019 оны НӨАТ-ын буцаан олголт хэзээ орох вэ?

-НӨАТ-ын буцаан олголтыг дөрөв дэх жилдээ олгох гэж байна. 2018 онд 807 мянган 128.8 тэрбум төгрөгийн и-баримтын татварыг иргэнд буцаан олгосон. Энэ жилийн хувьд урьдчилсан тоогоор 907 мянган иргэн буцаан олголт авахаар урьдчилсан тооцоолол байгаа.

НӨАТ-ын буцаан олголтыг эхний улиралд багтаан олгоно.

2019 оны баримт бүртгүүлэх хугацаа энэ сарын 8-нд дууссан. Буцаан олголтын бэлтгэл ажлын хүрээнд Капитал банкыг сонгосон, давхар аккаунт буюу бүртгэлтэй, хувийн мэдээлэл зөрсөн иргэд цөөнгүй байгаа. Жишээлбэл, Капитал банкыг НӨАТ-ын буцаан олголтоо авахаар сонгосон 139 иргэн, давхар аккаунт хаягтай 42000 иргэн, хувийн мэдээлэл зөрүүтэй 13090 иргэн байна. Эдгээр иргэнд и-баримтын аппликейшнээр дамжуулж гар утсанд нь мэдээлэл хүргүүлсэн. Тиймээс мэдэгдэл авсан иргэд мэдээллээ яаралтай засварлаж и-баримтын системд илгээх хэрэгтэй. Засварлахын тулд та e-barimt.mn сайтаар орж байгаа бол данс тохируулах цэсийг сонгож, хувийн мэдээллээ засна. Гар утсаараа орж хувийн мэдээллээ засах гэж байгаа бол и-баримт цэснийхээ “миний мэдээлэл” хэсэг рүү орж хувийн мэдээллээ засаад илгээнэ. Хоёроос дээш аккаунттай хүмүүсийг давхар аккаунттай гээд байгаа. Өөрөөр хэлбэл, нэг регистр дээр и-баримтын хоёр аккаунт нээсэн, магадгүй утсаа хаячхаад дахин өөр утсан дээр шинэ аккаунт нээсэн байж болох юм. Тэдгээр иргэдийн хувьд e-barimt.mn болон фэйсбүүк хуудаснаас дэлгэрэнгүй заавар, мэдээлэл авч аккаунтаа нэгтгэх шаардлагатай.

-Иргэд хувийн мэдээллээ хэрхэн засварлаж оруулах уу. Хугацаа заасан байгаа бол уу?

-Дээр дурдсан хувийн мэдээлэл зөрүүтэй иргэд энэ сарын 15-ны дотор мэдээллээ засварлаж илгээх шаардлагатай. Мэдээллээ засварлачихвал буцаан олголт орно. Хувийн мэдээлэл зөрүүтэй иргэд ихэвчлэн овог, нэрээ байрыг нь сольж бичих, харилцагч банкныхаа нэр, дансны дугаараа буруу бичих зэрэг алдаа гаргасан байдаг. Тиймээс овог, нэр, регистрийн дугаараа кириллээр бичиж, хамгийн чухал нь дансны дугаараа нягтлах хэрэгтэй. Хас банкыг сонгосон хэрнээ Голомтын дансыг бичиж болохгүй. Иймэрхүү алдаанаас шалтгаалан хувийн мэдээлэл зөрүүтэй болж буцаан олголт орохгүй саатах эрсдэлтэй гэдгийг анхаарах хэрэгтэй.

-Шинэ хэрэгжиж байгаа НӨАТ-ын тухай хуулиар энэ жилээс анх удаа буцаан олголтыг улирал бүр өгнө. Яаж өгөх вэ?

-Татварын багц хууль шинэчлэгдэн хэрэгжиж байгаа. Энэ хүрээнд НӨАТ-ын тухай хуулийн зарим заалтад өөрчлөлт орсон. Тодруулбал, 2020 оны нэгдүгээр сарын 1-нээс хойш НӨАТ-ийн хоёр хувийн буцаан олголтыг улирал тутамд олгохоор болсон. Энэ сарын 1-нээс гуравдугаар сарын 31-ний дотор бүртгүүлж баталгаажуулсан баримт 2020 оны хоёрдугаар улиралд багтаж орно. Харин 2019 онд бодогдсон НӨАТ- ын буцаан олголтын 20 хувийн урамшуулал 2020 оны нэгдүгээр улиралдаа багтаж олгогдоно.

Эх сурвалж: ТЕГ

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/d6f21dd3407f33afdc96324b216c5d33.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29