З.Энхболд: ОУВС-гаа Ч.Хүрэлбаатар гэрээ хийснээрээ хариуцна биз

olloo_mn_1539741221_zi8.jpg З.Энхболд: ОУВС-гаа Ч.Хүрэлбаатар гэрээ хийснээрээ хариуцна биз

Тэтгэврийн зээлийг тэглэх тухай хуулийн төсөл батлагдсаны дараа Олон улсын Валютын сангийн Монгол Улсыг хариуцсан Ажлын хэсгийн ахлагч “Монгол Улс ОУВС-тай байгуулсан гэрээгээ зөрчсөн. Тэтгэврийн зээлийг цуцлах энэ санал 2017 онд ОУВС-тай Засгийн газар тохиролцон хэрэгжүүлж эхэлсэн хөтөлбөртэй нийцэхгүй байна” гэсэн мэдэгдлийг хийсэн юм. Хуулийн төсөл хэрэгжсэнээр ДНБ-нд эзлэх өрийг хоёр хувиар нэмж, инфляц, төгрөгийн ханшид дарамт учруулна гэдгийг анхааруулсан.

Тэгвэл Ерөнхийлөгчийн Тамгын газрын дарга З.Энхболд livetv.mn сайтад байр сууриа илэрхийлэхдээ “Тэтгэврийн зээлийг тэглэсэн нь зөв. ОУВС-тай гэрээ хийсэн Ч.Хүрэлбаатар хариуцдаг юм байгаа биз. Ерөнхийлөгч гэрээ хийгээгүй шүү дээ. МАН-ыхан л гэрээ хийсэн шүү дээ. Гэрээ хийх шаардлагагүй байсан. ОУВС-гийн үгэнд орж гэрээ хийгээд есөн татвар нэмээ биз дээ. Өөрсдийнх нь асуудал шүү дээ, ҮАБЗ-д хамаагүй. ОУВС-гийн үгээр яваад сайхан болдог бол болохоор боллоо, болохгүй байгаа биз дээ. Амьдралгүй шийдвэр гаргадаг. 2012-2016 оны хооронд УИХ, Засгийн газар ОУВС-гаас мөнгө аваагүй шүү дээ. Авахаар ийм балай, балай шаардлагаа тавьдаг. Тиймээс нээлттэй зах зээлд Самурай, Чингис бондоор зээл авсан. Угаасаа түүхий эдийн үнэ өссөн үед ОУВС уруу ордог нь буруу. Ч.Хүрэлбаатарын буруу. Бурууг нь МАН сонгуулийн үр дүнгээр төлнө шүү дээ. Юм болгон төлбөртэй” гэсэн байна.

Н.Бүжин

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/77bae1920ffe472492e05cd8a3e1d30c.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29