Н.Саран: Ирэх сард иргэдийн тэтгэвэр нэмэгдэнэ

Saran_ntg.jpg Н.Саран: Ирэх сард иргэдийн тэтгэвэр нэмэгдэнэ

Нийгмийн даатгалын тухай хуулиудад орсон өөрчлөлтүүд энэ сарын 1-ний өдрөөс хэрэгжиж эхэлсэнтэй холбогдуулан Нийгмийн даатгалын ерөнхий газрын дэд дарга Н.Саран дараах мэдээллийг өгч байна.

-Сайн дурын даатгал төлдөг эхийн жирэмсний болон амаржсаны тэтгэмжийг хэрхэн тооцож олгох вэ?

-Сайн дураар даатгал төлдөг эхийн жирэмсний болон амаржсаны тэтгэмжийг өмнөх хуулиар 70 хувиар тооцож олгодог байсан бол хуульд өөрчлөлт орсноор энэ сарын нэгнээс эхлээд  эхчүүдэд арван хоёрдугаар сарын орлогын дунджаас 100 хувиар тооцон олгоно.

-Сайн дурын даатгуулагчийн төлөх шимтгэлийн доод хэмжээ хэд байна вэ?

-Хөдөлмөрийн хөлсний доод хэмжээнээс тооцон шимтгэлээ төлдөг сайн дурын даатгуулагчийн сард төлөх шимтгэлийн хэмжээ 56 мянга 700 төгрөг болсон. Харин үүнээс дээш  үнийн дүнгээс шимтгэлээ төлдөг даатгуулагчийн төлөх дүнд өөрчлөлт орохгүй.

-Албан журмын даатгуулагч эх хүүхэд төрүүлэх бүртээ тэтгэмж авах боломжтой юу?

-Ажил, хөдөлмөр эрхэлж байсан буюу албан журмын даатгуулагч эхэд хуульд заасны дагуу хүүхдээ асрах чөлөөтэй байх хугацаандаа дахин төрүүлэх бүрт жирэмсний болон амаржсаны тэтгэмж олгоно. Өмнө нь хоёр удаа олгодог байсан.

-Хүүхэд асрах чөлөөтэй байгаа эхийн нийгмийн даатгалын шимтгэл хэрхэн төлөгдөх вэ?

-Хүүхдээ гурван нас хүртэл асрах чөлөөтэй байгаа эхийн шимтгэлийг төлөхдөө албан журмын буюу ажил хөдөлмөр эрхэлж байсан эхийн төлөх шимтгэлийг ажил олгогчоос,  нийгмийн даатгалын сангаас олгох тэтгэвэр тэтгэмжийн тухай хуулийн дагуу жирэмсний болон амаржсаны тэтгэмж авах эрх нь үүссэн  сайн дурын даатгуулагч эх шимтгэлийн 50 хувийг өөрөө төлсөн нөхцөлд 50 хувийг  тэтгэмжийн даатгалын сангаас, бусад эх шимтгэлийн 50 хувийг өөрөө төлсөн нөхцөлд 50 хувийг улсын төсвөөс хариуцан төлнө. Шимтгэлийг хөдөлмөрийн хөлсний доод хэмжээнээс тооцон төлөх ба хуулийн үйлчлэлд хүүхэд нь гурван нас хүрээгүй нийт

-Эхчүүдийн нийгмийн даатгал хүүхэд төрүүлсэн тоогоороо нэмэгдэнэ гэсэн мэдээллийг тодруулаач?

-Төрүүлсэн болон гурав хүртэлх настайд нь үрчлэн авч зургаан нас хүртэл хүүхдээ өсгөсөн эхийн нийгмийн даатгалын шимтгэл төлсөн нийт хугацаан дээр төрүүлсэн болон үрчлэн авсан хүүхэд бүрийн тоогоор нэг жил зургаан сарыг нэмж тооцно.

-Энэ жил тэтгэврийн хэмжээ нэмэгдэх үү, шинэ хуулиар?

-Нийгмийн даатгалын сангаас олгох тэтгэвэр, тэтгэмжийн тухай хууль болон Цэргийн албан хаагчийн тэтгэвэр, тэтгэмжийн тухай хуулийн дагуу тэтгэврийн хэмжээ найман хувиар нэмэгдэнэ. Тэтгэврийн хэмжээг нэмэгдүүлэхэд энэ онд 150.6 тэрбум төгрөг зарцуулна.

-Малчин, хувиараа хөдөлмөр эрхлэгчид тэтгэврийн даатгалын шимтгэлээ нэг удаа нөхөн төлөх боломж бүрдсэн. Энэ талаар тодруулаач?

- Малчин, хувиараа хөдөлмөр эрхлэгчид тэтгэврийн даатгалын шимтгэлээ нэг удаа нөхөн төлүүлэх хууль энэ сарын 1-нээс хэрэгжсэн. Хуулийн дагаа 88.1 мянган малчин, хувираа хөдөлмөр эрхлэгч хамрагдана.

Н.Бүжин

 

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/222cef80b516e2f4d564ae065b6e37d7.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29