Б.Пүрэвсайханаас бусад бөхчүүдийн барилдах эрхийг сэргээлээ

olloo_mn_1562218972_789.jpg Б.Пүрэвсайханаас бусад бөхчүүдийн барилдах эрхийг сэргээлээ
  • Улсын заан Б.Пүрэвсайхан В сорьцоо шинжлүүлсэн тул хугацаа алдаж, ирэх онд барилдах эрх нь сэргэнэ
  • Нөгөө дөрвөн бөх нь “А” сорьцны дүнгээ хүлээн зөвшөөрсөн. Харин Б.Пүрэвсайхан ганцаараа хүлээн зөвшөөрөлгүй “В” сорьцоо шинжлүүлсэн юм

Допингийн эсрэг үндэсний төвийнхөн 2017 оны арван хоёрдугаар сард зарим бөхөөс допингийн гэнэтийн шинжилгээ авсан. Наадмаас бусад үед шинжилгээ авсан анхны тохиолдол нь энэ байв. Тухайн үед 31 бөх шинжилгээнд хамрагдахад улсын гарьд Ө.Бат-Орших, улсын заан Б.Пүрэвсайхан, улсын начин Э.Даш, аймгийн хурц арслан Б.Номиндалай, сумын заан С.Сайнбаяр нараас хориотой бодис илэрч, барилдах эрхээ хоёр жилээр хасуулсан юм. Улмаар өнгөрсөн зургадугаар сард МҮБХ-ны тэргүүлэгчдийн зөвлөл хуралдаж, эдгээр таван бөхийг гэмээ ухааран уучлалт гуйсныг харгалзан барилдах эрхийг нь сэргээсэн. Гэвч Ч.Санжаадамба аварга тэргүүтэй бөхчүүд эсэргүүцсэнээр тэд наадамд зодоглож чадаагүй. Тэгвэл МҮБХ-ны тэргүүлэгчдийн зөвлөл өнгөрсөн долоо хоногт хуралдаж, Б.Пүрэвсайханаас бусад дөрвөн бөхийн барилдах эрхийг албан ёсоор сэргээлээ. Энэ талаар МҮБХ-ны нарийн бичгийн дарга Б.Цогтбаатараас зарим зүйлийг тодруулав. 

-Дөрвөн бөхийн барилдах эрхийг сэргээжээ. Шийтгэлийн хугацаа нь албан ёсоор дууссан юм уу? 

-Дэлхийн допингийн эсрэг агентлагийн дүрмэнд зааснаар шийтгэл оноох хугацааг шинжилгээ авсан өдрөөс эхэлж тооцдог юм байна. Эдгээр бөхчүүдээс 2017 оны арванхоёрдугаар сард шинжилгээ авсан. Тиймээс хоёр жилийн шийтгэлийн хугацаа дууссан гэж ойлгож болно. 

-Б.Пүрэвсайхан зааныг яагаад ганцааранг нь үлдээсэн юм бэ? 

-Нөгөө дөрвөн бөх нь “А” сорьцн ы дүнгээ хүлээн зөвшөөрсөн. Харин Б.Пүрэвсайхан ганцаараа хүлээн зөвшөөрөлгүй “В” сорьцоо шинжлүүлсэн. Үүнээс болж хугацаа алдсан юм. Түүний барилдах эрх ирэх оны хоёрдугаар сарын 1-нд сэргэнэ.

Image result for засгийн газрын мэдээ

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/b2b2aabec9509f5262e3c0c0996e4a45.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29