Хөвсгөлийг хөндөөд эхэлсэн “Aspire Mining”-н 51 хувийг Улсын гарьд Ц.Цэрэнпунцаг худалдаж авчээ

78543891_887554398305490_5440635279448735744_n.jpg Хөвсгөлийг хөндөөд эхэлсэн “Aspire Mining”-н 51 хувийг Улсын гарьд Ц.Цэрэнпунцаг худалдаж авчээ

Австралийн Перт хотод төвтэй  “Aspire Mining” компанийн хувьцааны 51 хувийг Монгол Улсын гарьд Ц.Цэрэнпунцаг худалдаж авсан талаар зарим хэвлэлд онцолж эхэллээ.

Тодруулбал, өнгөрсөн долоо хоногт тус компанийн 51 хувийн хувьцааг Монгол Улсын иргэн Ц.Цэрэнпунцаг худалдан авах 33.5 сая ам.долларын санхүүжилт эцэслэгджээ. Улсын гарьд Ц.Цэрэнпунцаг одоогоос гурван сарын өмнө буюу өнгөрсөн есдүгээр сард тус компанийн 51 хувийг худалдан авах хүсэлтээ илэрхийлж байсан аж. Тэгвэл тэрбээр ийн зорилгодоо хүрч Хөвсгөлийг хөндөөд эхэлсэн “Aspire Mining”-н хамгийн том хувьцаа эзэмшигч болжээ.

Австралид бүртгэлтэй “Aspire Mining” компани нь манай Улсын Хөвсгөл аймгийн “Овоот”-ийн өндөр чанарын коксон нүүрсний ордыг эзэмшдэг юм.

Эх сурвалжийн онцолсноор “Овоот Төслийн Төлөвлөгөөнд тооцсоноор жилд 5 сая тонн, өндөр чанарын, зах зээлийн шаардлагад нийцсэн, коксжих нүүрс олборлож эхлэх бөгөөд уг нүүрсийг БНХАУ, ОХУ, зүүн Европ болон хойд Азийн орнуудын зах зээлд төмөр замаар ачиж шууд дамжуулан хүргэх юм. Овоот Төслийн коксжих нүүрсний эрэлт хэрэгцээ нэмэгдэх үед Аспайр компани Овоот төслөөс жилд 10 сая хүртэл тонн нүүрс олборлоно” гэж тооцоолж байгааг дурджээ.

Ташрамд дуулгахад “Aspire Mining”-н 51 хувийг 33.5 сая ам.доллараар худалдаж авсан Ц.Цэрэнпунцаг нь Завхан аймгийн Цагаанчулуут сумын харьяат, үндэсний бөхийн улсын гарьд цолтон юм. Түүний ах нь мөн үндэсний бөхийн улсын харцага Ц.Бэгзсүрэн билээ.  Мөн тэрбээр  “Жем Интернэшнл”ХХК-ийг үүсгэн байгуулсан эзэн нь юм. Түүний “Жем Интернэшнл”ХХК нь өнөөдөр Монголын шингэн хүнсний салбарт томоохон байр суурийг эзэлж байна. 

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/47961a98f65f942582f043158546a465.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29