Цагдаагийн хурандаа Ж.Амгалан жагсагч Б.Цэгмэдийг заналхийлжээ

09E23FB9-7B81-486F-B834-09C16E4AB1AB.jpeg Цагдаагийн хурандаа Ж.Амгалан жагсагч Б.Цэгмэдийг заналхийлжээ

НИТХ-ын ээлжит 29 дүгээр хуралдаан болж нийслэлийн 2020 оны төсвийг баталсан.

Улмаар нийслэлд авто зам ашигласны татварыг тав дахин нэмэгдүүлэх санал ч мөн батлагдсан билээ. Тэгвэл энэхүү шийдвэрийг эсэргүүцэн "Машинтай жагсаал" энэ сарын 9-15-ны хооронд буюу долоо хоногийн хугацаанд 07:00-18:00 цагийн хооронд болно гэдгийг зохион байгуулагч Б.Цэгмэд мэдээлсэн юм. 

Тэгвэл жагсаал хийхээр зөвшөөрөл хүссэн “Машинтай жагсаал”-ын зохицуулагч Б.Цэгмэд рүү Цагдаагийн Ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан “заналхийлсэн” өнгө аястай мессеж илгээжээ. Түүний мессежийг Б.Цэгмэд нийгмийн сүлжээнд "Жагсаалаа хийгээд шоронд орох нь тодорхой боллоо" гэх тайлбартайгаар дэлгэсэн байх бөгөөд үүнд “Дүү хүү галаар наадах гэж байгаад шоронгоор наадчихав даа. Энэ их бухимдлыг өдөөж байгаад өөрөө балрав даа” хэмээн бичсэн байв.

Эл жагсаалаар мөн нийгмийн даатгалын шимтгэлийг 26 хувь болтол өсгөсөн явдал, зээлийн хүүгийн дарамт, мөнгө хүүлэлтийг эсэргүүцэх юм байна. "Машинтай жагсаал"-ыг улс төрийн намууд болон иргэний хөдөлгөөнүүд дэмжихээ илэрхийлж байгаа гэх мэдээллийг зохион байгуулагчдын зүгээс өгч байгаа бөгөөд тэд Сүхбаатарын талбай, Төрийн ордныг машинтайгаар тойрч, эсэргүүцэл илэрхийлэхээр төлөвлөжээ. 

Цэгмэд-н зураг.

Энэ талаар Б.Цэгмэд “Нийт иргэддээ хандаж хэлэхэд, бидний гаргасан татвар, хураамж бууруулах санаачилгыг дэмжихийг уриалж байна. Мөн түргэн тусламж, гал, цагдаагийнханд анхааруулж хэлэхэд ирэх долоо хоногт Төв зам бөглөрөх нь тодорхой боллоо. Энд 1000-аас доошгүй машин цуглана. Тиймээс дээрх байгууллагууд Төв замын ачааллыг тооцож, бусад замыг сонгохыг хүсэж байна” хэмээлээ.

Г.Ганаа 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ



Warning: fopen(/var/www/html/xac/ww.hardnews.mn/cache/38a70aca279ca1f2b8ee58df78cf22fd.html): failed to open stream: No such file or directory in /var/www/html/xac/ww.hardnews.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.hardnews.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.hardnews.mn/cache.php on line 29