SOS: МОНГОЛ УЛС СААРАЛ ЖАГСААЛТАД ОРЖ, ЭДИЙН ЗАСАГТ УЛААН ГЭРЭЛ АСЛАА

FATF-1.jpg SOS: МОНГОЛ УЛС СААРАЛ ЖАГСААЛТАД ОРЖ, ЭДИЙН ЗАСАГТ УЛААН ГЭРЭЛ АСЛАА

Мөнгө угаахтай тэмцэх санхүүгийн арга хэмжээ авах олон улсын байгууллагын (ФАТФ) ээлжит хурал Франц улсын нийслэл Парис хотноо үргэлжилж байна. 

Энэ хурлаар хэлэлцэх нэг асуудал нь Монгол Улсын тухай юм. Тодруулбал, санхүүгийн урсгалд эрсдэл учруулж буй гэмт хэрэг, терроризмтой тэмцэх болон аюулгүй байдлын талаар авч хэлэлцэгдэх бөгөөд Монгол Улсыг Саарал жагсаалтад оруулах эсэхийг шийднэ. 

Монголбанкнаас өгч буй мэдээллээр шийдвэр энэ Баасан гарагт гарах бөгөөд тухайн үед тодорхой мэдээлэл дамжуулна гэв. Мөн энэхүү хурал үргэлжилж байгаатай холбоотойгоор зарим албан тушаалтнууд Монгол Улсын гадаад мөнгөн гүйлгээ саатсан, царцсан байгаа тухай мэдээлэл гаргаад байгааг Монголбанк үгүйсгэлээ. 

Монгол Улс ФАТФ-аас өгсөн 20 зөвлөмжөөс 16 үнэлгээг нь ахиулсан бол шууд хэрэгжилтийн үнэлгээний 11 үзүүлэлтээс 4-т нь хангалтгүй үнэлэгдэж энэ сар хүртэл дахин сайжруулах үүргийг хүлээгээд байсан юм.

Тэгвэл өнөөдрийн хамгийн сүүлийн мэдээллээр, зарим албаны эх сурвалж, УИХ-ын гишүүдийн хэлж буйгаар Франц улсад болж буй (ФАТФ) ээлжит хуралдаанаар манай улсыг  “Саарал жагсаалт”-д оруулсан талаар мэдэгдэж эхэллээ. Нэг үгээр хэлбэл мөнгө угаах гэмт хэрэг ихэсч, терроризмыг санхүүжүүлэх магадлал нэмэгдсэн гэж FATF-аас үзсэн байна. 

Ингэснээр манай Улсын эдийн засагт “улаан” гэрэл ассан гэж хэлж болно. Учир нь Монгол Улс саарал жагсаалтад орсноор олон улсын байгууллагууд манай улстай хамтран ажиллахаас татгалзах, Гадаадын харилцагч банкнууд харилцаагаа таслах, Гадаадын хөрөнгө оруулалт багасаж, гадаад худалдааны хэмжээ буурах, Иргэд гадаадад картаар гүйлгээ хийх боломжгүй болж, гадаад гүйлгээний шилжүүлэг хийхэд хүндрэл үүсэх, Улмаар улс орны эдийн засаг агших, ард түмний амьдрал доройтох зэрэг эрсдэл үүсэх билээ.

А.ТАМИР

ZASGIIMEDEE.MN

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ