Ж.БАТЗАНДАН: ОУПХ-НЫ ДҮГНЭЛТИЙГ НУУЦЛАХ ЭРХ БАЙХГҮЙ УЧИР ОЛОН НИЙТЭД ТАНИЛЦУУЛСАН

olloo_mn_1570763543_olloo_mn_1518489713_batzandan.jpg.jpg Ж.БАТЗАНДАН: ОУПХ-НЫ ДҮГНЭЛТИЙГ НУУЦЛАХ ЭРХ БАЙХГҮЙ УЧИР ОЛОН НИЙТЭД ТАНИЛЦУУЛСАН

УИХ-ын чуулганы нэгдсэн хуралдаан эхэллээ. Хуралдаанаар эхэнд УИХ-ын дарга Г.Занданшатар өнөөдрийн хуралдаанаар хэлэлцэх асуудлуудыг танилцууллаа. Хэлэлцэх асуудлын дарааллыг танилцуулсны дараагаар гишүүд горимын санал хэлж байна.

 УИХ-ын гишүүн Ж.Батзандан: Удахгүй Сербид IPO буюу ОУПХ-ны Их хурал болно. Энэ хуралдаанаар Монгол Улсад эрүү шүүлт яргалалд өртөж хэлмэгдсэн Содномдаржаа, Чимгээ нарын асуудлыг хэлэлцэх гэж байна.  Энэ хуралд Монгол Улсыг төлөөлж УИХ-ын дарга Г.Занданшатар, УИХ-ын гишүүн Л.Болд явна гэж сонссон. ОУПХ-ны дүгнэлт УИХ-д ирсэн. Энэ дүгнэлт ил тод байдаг. Гэтэл УИХ-ын Тамгын газрын дэргэдэх нууцын ажилтан энэ дүгнэлтэд нууцын тамга дарж бидний ажилд саад тотгор учруулж байна. ОУПХ-ны хурлаар хэлэлцэгдсэн, вэйбсайт дээр нь тавигдах,  дүгнэлт бүр ОУ-ын түвшинд ил тод байдаг. Түр хорооны гишүүд ОУПХ-ны дүгнэлтийг нууцлах эрх байхгүй учир олон нийтэд танилцуулсан. Хэлэлцэх асуудлын дараалал ОУПХ-ны санал дүгнэлтийг оруулж өгөхийг УИХ-ын даргаас хүсч байна.

УИХ-ын гишүүн Б.Бат-Эрдэнэ: Үдээс хойш үүсээд байгаа аймшигтай нөхцөл байдлын талаар ярих нь. Сайн ярих биз. Манайхан бүх түвшинд мэдээллийг нуух дарах сонирхолтой байдаг.  УИХ-ын ирц хангалтгүй муу байна. Байнгын хорооны хуралдаан хуралдахгүй байна шүү. Чуулганы бүрэн эрхийн хугацаанд УИХ-ын хуралдаа ирдэггүй, гадаадад дотоодод зугаалаад байдаг гишүүдийг зарлана шүү. 20 гаруй гишүүд суугаад хууль баталдаг боллоо. Найман удаа сонгогдсон Д.Лүндээжанцан гишүүн хуралдаа цагтаа ирээд цагтаа тарж болж байна.

 УИХ-ын дарга Г.Занданшатар: Төрийн нууцын болон албаны нууцын хуулиар УИХ биш Засгийн газар нууцаас гаргах асуудлыг шийдвэрлэдэг. Хуульзүйн байнгын хороогоор хэлэлцэж байж шийддэг учир Ж.Батзандан гишүүний тавьсан саналыг чуулганы хуралдаанд оруулах боломжгүй.

Чуулганы хуралдаан үргэлжилж байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ