АН-ААС ЕРӨНХИЙ САЙДАД ШААРДЛАГА ХҮРГҮҮЛЛЭЭ

1552351248_5c04ca1a69798.jpeg АН-ААС ЕРӨНХИЙ САЙДАД ШААРДЛАГА ХҮРГҮҮЛЛЭЭ

АН-аас шахмал түлшний хэрэглээний асуудлаар Засгийн газарт шаардлага хүргүүлэхээр боллоо. Өнгөрсөн өдрүүдэд 35 иргэн угаартсан шинж тэмдэгтэйгээр эмнэлэгт хандсанаас хоёр том хүн, хоёр хүүхэд амиа алдсан.

УИХ дахь АН-ын зөвлөл өнөөдрийн хуралдаанаараа өнгөрсөн өдрүүдэд шахмал түлшнээс болж иргэд олноороо угаартаж, дөрвөн иргэн амь насаа алдсан асуудлыг авч хэлэлцэн, Засгийн газарт шаардлага хүргүүлэхээр болсон байна.

Энэ талаар АН-ын зөвлөлийн дарга Д.Эрдэнэбат “Харамсалтай явдал боллоо. Богино хугацаанд асуудлыг цэгцлэхгүй бол Улаанбаатар хотыг аюулын дохио нөмрөхөд ойрхон байна. Хэдийгээр шинжилгээний дүгнэлт гарсан ч эргэлзээтэй зүйл байна. Шинжилгээний дүнг харвал илчлэг өндөртэй, чийглэг бага ч үнслэгийн хэмжээ хоёр дахин их байна. Засгийн газрын хэрэгжүүлж буй шахмал түлш хэрэглэх асуудлыг хэрэгжүүлэхдээ иргэдэд өгсөн зөвлөмж маш дутмаг байсан гэдгийг хаа, хаанаа ойлгох хэрэгтэй. Гэтэл өнөөдөр албан тушаалтнууд иргэдийн хэрэглээнээс болсон гэх явуургүй тайлбар хийж, иргэдэд бурууг тохох гэсэн явуургүй санаагаа зогсоох ёстой. Ажил хийсэн нэрийн дор бодлогогүй, үрэлгэн зардал гаргасан ч хэрэглээ, ашиглалт иргэдийн сэтгэл санаанд хүрэхгүй байна” гэлээ.

АРДЧИЛАЛ.МН

 
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ