У.ХҮРЭЛСҮХ: ГУРВАН ЖИЛИЙН ДОТОР 232 ЦЭЦЭРЛЭГ, 156 СУРГУУЛЬ, 100 ЭМНЭЛГИЙН БАРИЛГА БАРЬЖ БАЙГУУЛСАН

nuurs-1.jpg У.ХҮРЭЛСҮХ: ГУРВАН ЖИЛИЙН ДОТОР 232 ЦЭЦЭРЛЭГ, 156 СУРГУУЛЬ, 100 ЭМНЭЛГИЙН БАРИЛГА БАРЬЖ БАЙГУУЛСАН

Нийслэлийн ерөнхий боловсролын 21 дүгээр сургуулийн багш, сурагч, ажилчид сургуулийн шинэ байрандаа орж, манлайлагч сурагчдын төлөөлөл Төрийн далбаагаа мандуулснаар хичээлийн шинэ жилээ нээв. Нээлтийн ёслолд Монгол Улсын Ерөнхий сайд У.Хүрэлсүх оролцож, баяр хүргэн үг хэлэв. Тэрбээр, Өнгөрсөн гурван жилийн дотор улсын төсвийн хөрөнгө оруулалтаар 232 цэцэрлэг 156 сургууль, 53 дотуур байр, соёлын төв, 100-аад эмнэлэг гэх мэт нийт 601 барилга байгууламж барьж ашиглалтад оруулсны нэг нь ерөнхий боловсролын 21 дүгээр сургууль юм. Монгол Улсын Засгийн газар ерөнхий боловсролын сургуулиудад гурван ээлжээр хичээллэх явдлыг халах зорилго тавьж байгаа. Энэ сургуулийн барилга ашиглалтад орсноор БЗД-ийн дөрвөн сургуулийн гурван ээлжийг халж байна.

Сургуулийн барилгыг улсын төсвийн хөрөнгө оруулалтаар найман сарын дотор барьж, хугацаанаас нь хоёр жилийн өмнө стандартын дагуу чанарын өндөр түвшинд барьж, ашиглалтад хүлээлгэн өгч буй Ж.Батсайхан захиралтай “БАТС-Өргөө” барилга угсралтын компанийн хамт олонд Монгол Улсын Засгийн газрын өмнөөс болон хувиасаа талархал илэрхийлье. Та бүхний ажил бусдад үлгэр дуурайлал, жишиг болно гэдэгт итгэж байна. Одоо сургууль орчмын газрыг чөлөөлж, хашаа хашлага, гражуудыг буулгаж, хүүхдүүдийн аюулгүй сурч боловсрох, зорчих нөхцлийг бүрдүүлж өгөхийг хотын даргад үүрэг болгож байна. Сурагч хүүхдүүддээ сурлага, хүмүүжлийн өндөр амжилт, багш ажилчиддаа ажлын амжилтыг ерөөе гэлээ.

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ