Ц.НЯМДОРЖ САЙД СЭТГҮҮЛЧДИЙГ ХУУЛЬ БУСААР ТАГНАЖ, ЧАГНАСАН ГЭХ АСУУДАЛ БИЙ

0000(2).jpg Ц.НЯМДОРЖ САЙД СЭТГҮҮЛЧДИЙГ ХУУЛЬ БУСААР ТАГНАЖ, ЧАГНАСАН ГЭХ АСУУДАЛ БИЙ

ХЗДХ-ийн дэд сайд асан Б.Энхбаяр өчигдөр “Улаан бал” нэвтрүүлэгт оролцсон. Энэ үеэрээ тэрээр ХЗДХ-ийн сайд Ц.Нямдоржийн талаар хэд хэдэн ноцтой асуудлыг онцолж ярьсан юм.

Ингэхдээ тэрээр “Ц.Нямдорж сайдын сэтгүүлчийг хууль бусаар тагнаж, чагнасан гэх асуудал бий. Нэлээд дуулиан болсон.Тагнуулын байгууллагын хүрээнд яригдаж, өөрөө бас тайлбар өгсөн байх. Тагнуулын байгууллагаас Ц.Нямдоржийг сэтгүүлчдийг хууль бусаар чагнасан асуудлаар Эрүү үүсгэсэн байдаг. Миний ойлгож байгаагаар, Эрүүгийн цагдаагийн газрын 2-3 нууц мэдээлэл цуглуулдаг төлөөлөгч нар дээр хэрэг үүсгэсэн гэж бодсон. Тэр хүмүүс хэний даалгавраар нууц, гүйцэтгэх ажиллагаа хийдэг вэ гэхээр зөвхөн Эрүүгийн цагдаагийн газрын даргын даалгавраар гүйцэтгэх ажиллагаа хийдэг. Тэгээд тэр гүйцэтгэх ажиллагааг хууль бусаар хийсэн байгаа юм. Өөрөөр хэлбэл прокурорын зөвшөөрөлгүй хийсэн байдаг.

Гүйцэтгэх ажиллагаагаар авагдсан мэдээ баримтууд нь Ц.Нямдорж сайд дээр байсан. Ц.Нямдорж сайд бааварлаж байгаад хүн амьтанд үзүүлчихсэн юм шиг байгаа юм. Тэр нь баригдаад, юун хууль гүйцэтгэх ажиллагаа явагдав гээд Ц.Нямдорж дээр хэрэг үүсгэгдсэн гэж би ойлгосон. Энэ хэрэг шалгагдаж байх үеэр золгүй явдал болж надтай адилхан нэртэй Эрүүгийн цагдаагийн газрын дарга П.Энхбаяр гэнэт өвчнөөр нас барчихсан. Гүйцэтгэх ажилтнууд тэр хүний заавраар ажиллаж байсан. Гэтэл тэр хүн нь нас барчихсан. Тэгээд хэрэг нь гацчихсан.”  хэмээсэн билээ.

Тус хэргийг сануулбал, ХЗДХ-ийн сайд Ц.Нямдоржыг 2018 оны дөрөвдүгээр сард нэр бүхий есөн сэтгүүлчийг ар гэрийнхэнтэй нь хамт тагнаж, чагнасан асуудлаар Тагнуулын байгууллагаас шалгаж эхэлсэн гэх мэдээлэл цацагдсан.

Гэвч  уг асуудалд ХЗДХ-ийн сайд Ц.Нямдорж тэр дор нь “Би ямар ч сэтгүүлчийг тагнаж, чагнах үүрэг өгөөгүй. Есөн сэтгүүлчийг тагнаж, чагнасан л гэнэ. Нэг сэтгүүлчийн машины дугуйг буудсан л гэнэ. Та нар намайг тагнадаг болохоос би сэтгүүлчдийг тагнаж байсан тохиолдол миний амьдралд байхгүй” гэсэн тайлбарыг өгч байлаа. 

Тухайн үед дээрх ноцтой асуудал тэгсхийгээд замхарч байв. Гэтэл дээрх асуудлыг өнөөдөр ХЗДХ-ийн дэд сайд асан Б.Энхбаяр дахин дэлгэлээ. 

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ