“ШУДАРГА” ГЭГДЭХ УИХ-ЫН ГИШҮҮН Ж.БАТЗАНДАН НАЙЗЫГАА ТАНИХГҮЙ БАЙГАА Ч НАЙЗ НЬ ТҮҮНИЙГ ТАНЬЖ БАЙНА

71950680_687009321817929_4392471622078955520_n.jpg “ШУДАРГА” ГЭГДЭХ УИХ-ЫН ГИШҮҮН Ж.БАТЗАНДАН НАЙЗЫГАА ТАНИХГҮЙ БАЙГАА Ч НАЙЗ НЬ ТҮҮНИЙГ ТАНЬЖ БАЙНА

УИХ-ын гишүүн Ж.Батзандантай холбоотой асуудлууд сүүлийн үед хэвлэлийн нүүр чимэх болов. Учир нь Хөх хотод суух консул асан Д.Мөнх-Эрдэнэ гэх залуу “Улаан бал” гэх нэвтрүүлэгт орсноос үүдэн түүнтэй холбоотой асуудлууд сөхөгдөх нь тэр.

Тодруулбал, ӨМӨЗО-ны Хөх хотод суух консул асан Д.Мөнх-Эрдэнэ  ажлаа өгөөд буцаж ирээд нэлээдгүй хэдэн хүний булхайт үйлдлийг хэвлэлд ярьсан. Тэдэн дунд УИХ-ын хоёр ч гишүүний нэр явсан нь Ц.Нямдорж, Ж.Батзандан нар байлаа. ХЗДХ-ийн сайд Ц.Нямдорж болон түүний хүү Н.Анхбаяр нартай холбоотой асуудалд тэд өөрсдөө тодорхой тайлбар өгөлгүй өнөөдрийг хүрчихлээ.

Харин УИХ-ын гишүүн Ж.Батзандангийн хувьд консул асан Д.Мөнх-Эрдэнэ “Би Ж.Батзандантай найз. Тэр хятадуудаас дэмжлэг авахыг хүссэн. Компьютер ч мэдэхгүй ахыгаа дэд консулаар томилуулсан” хэмээн ярьснаас ердөө нэг хоногийн дараа хэвлэлийнхэнг цуглуулж “Би тэр хүнийг огт танихгүй. Миний найз биш. Би хэнээс ч дэмжлэг хүсэхгүй. Улсдаа хөрөнгө оруулалт оруулж ирэхийг хүсдэг” хэмээн сандарч мэгдэн мэдэгдэл хийсэн. Тэгээд зогсолгүй ичсэн хүн хүн ална гэгчээр ажлаа хийж яваа жирийн сэтгүүлч Лодойг “Шодой” хэмээн дуудаж ёс зүйгүй аашилсан билээ.

Тэгвэл шударга хүний дүрд тоглогч УИХ-ын гишүүн Ж.Батзандангийн “танихгүй” хэмээн ярьсан, гүрийсэн тэрхүү найз нь түүнтэй харилцаж байсан we chat, захидал харилцаагаа задалж олон нийтэд түүний бичлэгийг нь ил болголоо. Тус бичлэгт мөнөөх Хөх хотын консул Д.Мөнх-Эрдэнийг огтоос танихгүй, найз биш хэмээн ярьсан УИХ-ын гишүүн “шударга” хэмээх Ж.Батзандан дүрээрээ, дуу хоолойгоороо хэрхэн Ерөнхий консулд тал засаж, аяглаж байгаа тодоос тод бичигдэн үлджээ.

Тодруулбал, Монгол төрийн хариуцлагатай албыг хашиж яваа эрхэм УИХ-ын гишүүн Ж.Батзандан Хөх хотын консултай ингэж харилцаж байжээ.

 УИХ-ын гишүүн Ж.Батзандан: “-Байна уу консул аа. Ажил нь тавлаг байна уу хөгшөөн. Бид нар сайн байна. Найз нь ажлаа хийгээд л байж байна. Найздаа чи нөгөө Өвөр Монголын эмч залуугийн нэрийг хэлдээ. Би нэрийг нь мартчихаж. Намайг үзүүлдэг, дагуулж явдаг нөгөө эмч залуу маань хэн билээ. Найз нь viber2-аар, үгүй ээ we-chat-аар холбогдож нэг юм асуух гэсэн юм. За тэгээд найздаа баярласан шүү. Баянхонгор аймгийн уулзалт амжилттай сайн болсоон. Одоо тэгээд баруун аймгууд руу гарах гэж байнаа хөгшин нь. За манай ахын ажил дажгүй биз. Манай бэр эгч очсон уу? Чи бэр эгчийг бас нэг ажилтай болгох талаас нь бодоорой өвгөөн” хэмээн харилцаж байжээ.

Гэтэл өнөөдөр мөнөөх ажил алба, тус дэм гуйж явсан УИХ-ын гишүүн Ж.Батзандан нэгэн цагт найзаа, өвгөөн гэж дотночлон дуудаж явсан найзыгаа танихгүй болчихсон худал жүжиглэж байна. Тэр ийм л жүжигчин нэгэн аж.

БИЧЛЭГ:

АРДЧИЛАЛ.МН

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ