ХЯТАДУУДААР ДЭМЖҮҮЛЬЕ ГЭЖ ЯРЬЖ ЯВСАН УИХ-ЫН ГИШҮҮН Ж.БАТЗАНДАН САНДАРЧ ЭХЭЛЛЭЭ

71295479_2472398456416870_5267179417427247104_n.jpg ХЯТАДУУДААР ДЭМЖҮҮЛЬЕ ГЭЖ ЯРЬЖ ЯВСАН УИХ-ЫН ГИШҮҮН Ж.БАТЗАНДАН САНДАРЧ ЭХЭЛЛЭЭ

УИХ-ын гишүүн “ШИНЭ” намын дарга Ж.Батзандан, түүний ахан дүүстэй холбоотой мэдээллийг Хөх хотын Ерөнхий Консул асан Д.Мөнх-Эрдэнэ гэх залуу дэлгэсэн.

Ингэхдээ тэрээр “"Миний тухай найруулгатай жүжгийг нэг нөхөр тавьсан байдаг юм. Энэ нь манай УИХ-ын гишүүн Ж.Батзандан. Ж.Батзандан бид хоёр бол найз. Хүнийг ханилж яваад, хүлгийг унан байж мэд гэж үнэн юм билээ. Бид хоёр арваад жил хүрээгүй, нөхөрлөж байгаа. Арваад жил нөхөрлөхдөө би харин нөхрийнхөө занг сайн мэдэж авлаа. Өвөр Монголд зөндөө очсон. Экспогийн арга хэмжээ, албаны айлчлал, хувийн шугамаар, гэр бүлээрээ гээд. Надад анх очоод тэгдэг байсан байхгүй юу. За Д.Мөнх-Эрдэнээ миний найзаа, найзыг нь улс төрд дэмжчихээр хятад хүн байна уу, Өвөр Монгол хүн байна    уу гээд… Би тэд нарын чинь бизнесийг Монголд дэмжиж өгье. Одоо би  Ерөнхий сайдтай ийм болчихсон (гараа атгаж үзүүлэв). Би засгаа авраад үлдчихсэн гээд ярьсан надад.

Тэгээд би Очир гээд, монголчууд мэднэ дээ, бүх очсон монголчууд эдний Монгудай гээд ресторанд үйлчлүүлдэг юм. Би Очир ахтай танилцууллаа. Очирын найз Хо Зунтай танилцууллаа. Ингээд Батзандангаа баахан танилцуулаад явлаа. За тэгсэн, манай шударга найз маань ахыгаа Хөх хотын Ерөнхий консулаар томилуулдаг юм аа. Ж.Баатарчулуун гээд, эхнэр нь Оюунгэрэл гээд. Мэдэхгүй ээ, энэ Оюунгэрэл энэ 2 чинь хэзээ ч суусан гэлээ, хоёр гуравдахь ч юм ярьсан байх.                                                   

Энэ Ж.Баатарчулуун гуай өмнө нь Эрээн дээр Дэд консул хийж байсан юм билээ. Бас ямар томилгоогоор явсан юм мэдэхгүй. Тэгээд Ж.Баатарчулуун гуай томилогдоод над дээр ирлээ... Компьютер, хэл мэдэхгүй гэж байна. Гадаад яам руу ийм хүн томилж явуулаад байхдаа яадаг юм гээд буцаадаг юм уу гэж бодсоноо, найз бас гуйж байна шдээ. Хүнд бас найзын жудаг байна аа даа. Манай ахыг ажиллуулаадхаарай, томилуулаад явуулчихсан шүү, Д.Цогтбаатартай яриад явуулчихсан шүү гэж над руу хэлсэн. Уг нь бол хэлтэй хүн хэрэгтэй. Манайд чинь үндсэн синхроны хэлтэй хүн байхгүй шүү дээ. Манай Багахүү, Золзаяа хоёр сайн ажиллаж байсан. Эд нараас хойш байхгүй. Би бол яг синхроны унаган багаасаа сураад, Гадаад харилцаанд дөрвөн жил хятад хэл сураад, тэгээд Дипломат албанд ажиллаж байгаа нэг хүн намайг дөрвөн жил ажиллахад ирээгүй. Ажилд томилогдож ирж байгаа нөхдүүд нь эд нар. (Ж.Батзандангийн ах Ж.Баатарчулууны зургийг эхнэрийнх нь зурагтай харуулав)

Энийг тэгээд сонсох нь ээ, Эрээн дээр Дэд консул хийдэг байсан юм байна. Тэгээд хүмүүс ярьж байна шүү дээ. Танай дээр Ж.Батзандангийн ах Ж.Баатарсайхан ирж байгаа. Нэг тийм нөхөр шүү гэхэд нь би “За та нар хүн битгий муулаад бай. Би хүний үгээр ажил хийдэг хүн биш ээ л гэлээ. Тэгээд сураг сонсох нь ээ, Эрээн дээр “Патрол” гээд машин байсан. Манай Хөх хотын консулын нэр дээр ороод ирсэн машиныг унадаг. Дипломат дугаартай. Эрээнээс Замын-Үүд руу орохдоо будаа ачиж ордог. Замын-Үүдээс орохдоо мах ачиж ордог. Өдөрт хоёр удаа гардаг гэнэ ээ. Би бол хараагүй, үзээгүй. Хүмүүсийн яриагаар… Махны Баатарчулуун гээд алдартай нөхөр гэж байна шүү. Тэндээ, Эрээнд байхдаа… Тэгээд би иргэдийн асуудал хариуц гээд үүдэнд суулгалаа. Монгол иргэдтэй, оюутнуудтай хэг ёг гээд… Иргэд зөндөө гомдол тавьсан. Ж.Батзандан руу хүртэл “Энэ ахыгаа аваач” гэсэн чинь “Ерөнхий консулд нь хэл” гээд мессеж явуулсан байна лээ. Мессежийг нь тэр иргэн надад харуулсан. Одоо хүртэл утсанд нь хадгалаастай байдаг гэсэн. Жишээ нь, захидлаар зөндөө ирсэн, хэг ёг, хэг ёг гэдэг гээд. Эхлээд надад “Би чухам Ж.Батзандангийн ах шүү, аятайхан байгаарай” гэсэн. Би “Хнн танай хэн байх надад хамаагүй шүү” гэсэн. Би Ж.Батзандан байтугай Ж.Батзандангаас цаадахын өмнүүр шударга ёс ярьж явсан хүн шдээ бас. Төрийн албаны чадвар, шаардлагад нийцэхгүй, хангах юу ч байхгүй, компьютерын товчлуур долоовор хуруугаараа онодоггүй нөхөр шүү дээ. Үгүй ээ зовлонтой. Энэ нөхөр юу хийх вэ, мөнгө олох гэж очсон байхгүй юу. Д.Цогтбаатар томилоод явуулчихсан, би яах юм. Ж.Батзандан чинь, манай хүн яахав дээ, шударгын дүрд тоглодог хүн чинь. Ер нь хамгийн шударга бус хүн шударгын дүрд тоглодог юм байна.

Мөрөөрөө хүнтэй хэрэлддэггүй, ноомой дуу цөөнтэй хүмүүс шударга байдаг юм шдээ. Д.Цогтбаатарын өрөөнөөс Ж.Батзандан салахгүй. Тэгсээр байгаад энийг томилоод явуулчихсан.  Би бүр дэд сайд руу хэлтэй хүн өгөөрэй, нөхцөл байдал ийм байна аа. Ирэх жил Дипломат харилцаа тогтоосны 70 жилийн ой болно оо, ажил хийдэг залуу хүн хэрэгтэй байна гээд явуулсан. Би Батмагнай гээд сайн залууг авах гээд бараагүй. Батмагнай Бээжин рүү томилогдсон байна лээ. Энэ Баатарчулуунтай ажил хийх гэж, машин тэрэгний хор бүгдийг хутгана. За энэ нөхөр чинь Эрээн дээр контрабанд хийдэг байхдаа Эрээний контрабандын цагдаатай найз болчхож. Иргэн Литэй. Тэр нь энэ ний ижил хөгшин тэтгэврийн өвгөн. Тэгээд би Батзандангийн ахад хэлсэн. Ажлаа хийж чадахгүй бол зайл, Монголын төр та нараар дутахгүй. Би ч гэсэн хөгширнө өө, гэхдээ та нар шиг хэлтэй устай, мэдлэг боловсролтой залуучуудын өмнө шавар хаахгүй. Би тэтгэвэртэй гараад алга болно. Та ичиж амьдар, зайл, дүү нарынхаа буянаар бага дарвалзаарай гэсэн. Нэг нь энэ Бямбаа гээд (зураг үзүүлэв)

Гадаадын иргэдийн харьяатын газрын дарга Болдын төрсөн ах дүүгийнхээ шахаагаар ирсэн. Ийм хүмүүс нийлээд Монгол Улсын Ерөнхийлөгчийн Тамгын газар луу захиа өгсөн байдаг. Өргөдөл бас очсон. Энэ дөрвөн хүн Бо Чун Су гэдэг хүний эхнэрийн нэр дээр өргөдөл бичээд ЕТГ, АТГ, Гадаад хэргийн яам руу явуулсан байдаг. Бо Чун Суны эхнэр дараа нь миний нэрээр хуурамч захиа өгсөн гэж хэлсэн...” хэмээн ярьсан.

Тэгвэл дээрх мэдээллийг сонссон УИХ-ын гишүүн Ж.Батзандан ихэд сандарч яваа сурагтай. Учир нь тэрээр шударга улс төрчийн дүрд тоглоод, тэр ч байтугай “Шударга Иргэдийн Нэгдсэн Эвсэл” гээчийг байгуулаад удаж буй. Тиймээс өөртэй нь холбогдолтой шударга бус мэдээлэл цацагдсанд мань УИХ-ын гишүүн ихэд дагжиж, яарч сандран элдэв зүйлийг хамж шимж, тодорхойгүй баталгаагүй зүйлс ярьж, өөрийнхөө талаарх мэдээллийг үгүйсгэсэнгүй хариу мэдээлэл хийлээ.

Ингэхдээ УИХ-ын гишүүн Ж.Батзандан: “Энэ Мөнх-Эрдэнэ гэж нэг нөхөр надтай яаж танилцсаныг би хэлье. Би Батзандангийн найз гээд ярьж байна билээ. 2013,14 онд эрүүгийн хоёр хэрэгтэй нэг нөхөр намайг УИХ-ын гишүүн байхад уйлаад ирсэн юм аа. Гишүүнээ авраач ээ гэж. Монголын төмөр замд хулхи бараа бүтээгдэхүүн нийлүүлсэн гэдгээр эрүүгийн хэрэг үүсгэгдчихсэн, шоронд явах гэж байсан хүн л дээ. Мөн нэг найзыгаа төмөр сандалаар цохиод цус нөжтэй нь холиод цагдаа дээр эрүүгийн хэрэг үүсгэгдчихсэн ийм нөхөр над дээр ирж байсан шиг санаж байна. Тун удахгүй энэ хүн 2016 онд Хөх хотын консулаар явсан юм. Мөнх-Эрдэнэтэй танилцсан түүх бол энэ. УИХ-ын гишүүн “бидон” Ганбат намайг шоронд явуулах гээд байнаа гээд энэ Мөнх-Эрдэнэ миний өрөөнд бараг уйлах нь холгүй орж ирж байсан. Би Өргөдлийн байнгын хорооны дарга байсан хүний хувьд Хууль зүйн байнгын хорооны даргад  хандаж “та хүн битгий хэлмэгдүүлээрэй” гэж өргөдлийг нь уламжилж байсан. Мөнх-Эрдэнэ бол ямар ч боловсролгүй хүн. Нойлын ногоон тэг юм. Энэ хүн сүүлийн үед “Улаан бал” гэдэг нэвтрүүлэгт орж МАНАН-ийн захиалгаар их олон юм ярьж байна.

Би хариулт өгье. Батзандан Хятадаас хөрөнгө оруулалт татаад ирээрэй. Хятадын компаниуд надтай уулзуулж, намайг дэмжүүлээрэй гэж хэлсэн гэж ярьсан. Би Монгол Улсын гадаад албанд ажиллаж байгаа бүх элчин сайдуудад нэг л зүйлийг захидаг. Монгол Улс руугаа хөрөнгө оруулалт татаарай. Гаднын хөрөнгө оруулагчдыг Монгол руу авчраарай. Миний тойрог дээр хөрөнгө оруулалт хийж туслаарай гэж би захидаг. Мөнх-Эрдэнэ гуай андуурсан байна. Өөрийнхөө боловсролын төвшинд ойлгосон байна. Батзандан намайг дэмжээрэй гэж. Би Монголоо дэмжээрэй гэж гуйдаг юм аа. Улсаа дэмжээрэй гэж гуйсан юм аа. “Улаан бал”-аар орсон улайдаггүй Мөнх-Эрдэнэ гуай. Өөрт чинь хэлье. Ийм л худлаа яриаг захиалгаар МАНАН-ийн эсрэг тэмцлийг саармагжуулах гэж яваа хөөгдөж ирсэн нөхөр.

Миний ах дүү нарын талаар ярьж байгаа. Би цөөхүүлээ биш ээ. Батзандангийн ургийн мод их том ургийн мод байгаа. Надад 10 ах, дүү нар байна. Надад малчин ах байна, багш ах байна, эмч ах байна, таксины жолооч ах байна. Мөнх-Эрдэнийн яриад байгаа миний ах 1989 оноос хойш Монголын төрд ажиллаж байгаа. Төрийн өмчийн хороонд өмч, хувьчлал хариуцан ажиллаж байлаа. Мэргэжлийн хяналтын газарт газрын дарга, хэлтсийн дарга хийж байлаа. Эрээнд дэд консул хийж байлаа. Хилгүй барьцгүй л гээд байх юм. Чам шиг хэлгүй хүн биш. Энэ хүн миний найз биш, анд биш, нөхөр биш” гэж тодорхойгүй хариулт өглөө.

Тэрчлэн тэрээр өөрийнх нь талаар ярьсан Д.Мөнх-Эрдэнэ гэх залууг "Улаан бал" нэвтрүүлэгтээ урьж оролцуулсан  хөтлөгч Лодой гэх сэтгүүлчийг "Шодой, Шодойхүү" хэмээн ёс бус үг хэллэгээр дуудан доромжиллоо.

АРДЧИЛАЛ.МН

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ