МУГТ М.УРАНЦЭЦЭГ ХҮРЭЛ МЕДАЛЬ ХҮРТЛЭЭ

olloo_mn_1566787463_urantsetseg.jpg МУГТ М.УРАНЦЭЦЭГ ХҮРЭЛ МЕДАЛЬ ХҮРТЛЭЭ

Жүдо бөхийн 2019 оны насанд хүрэгчдийн ДАШТ  Японы нийслэл Токио хотод болж байгаа бөгөөд тэмцээний эхний өдөр Монгол улсын Гавьяат тамирчин  М.Уранцэцэг эмэгтэйчүүдийн 48кг-ийн жинд хүрэл медаль хүртлээ. Тэрбээр жүдо бөхийн ДАШТ-ээс алт, мөнгө, хүрэл медаль хүртсэн Монголын анхны тамирчин болж байна. Монгол улсын Гавьяат тамирчин  М.Уранцэцэг нь 2013 оны ДАШТ-ий алт, 2017 оны ДАШТ-ий мөнгөн медалийн эзэн болж байсан билээ.

Энэ жинд нийт 45 бөх хүч үзсэн бөгөөд Украины бөх Дарья Билодид алтан медаль, Японы Фүна Тонаки мөнгөн медаль, Косовогийн Дистриа Красники болон М.Уранцэцэг нар хүрэл медалийн эзэд болжээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ